აბა დილა მშვიდობისა ჩემო მეგობრებო! მარიუპოლი გმირულად დგას! ყველა დიდ ქალაქს ჩვენები აკონტროლებენ! პატარებსაც იბრუნებენ! კიევთან პატარა ქალაქი მაკარივ ჩვენების კონტროლის ქვეშაა! - ამის შესახებ სოციალურ ქსელში ალექსი პეტრიაშვილი წერს.
ნეიტრალიტეტი ძალიან მაგარი რამეა, ოღონდ როცა გარანტია გაქვს რომ ვინმე თუ დაგესხმება თავს, მაგრად მოხვდება. ან შენგან, ან პარტნიორისგან, - ამის შესახებ სოციალურ ქსელში სერგი კაპანაძე წერს.
"თუ ეგ გარანტია არ გაქვს, ნეიტრალიტეტი ნიშნავს უსაფრთხოების გარანტიაზე და სუვერენიტეტზე უარის თქმას, ანუ ხვალ მოვა რუსეთი და წაიღებს რასაც უნდა. მეტს ვიდრე დღეს. მათ შორის, ჯერ გაღიარებინებს აფხაზეთს, ხვალ განალაგებს ბაზას, ზეგ წაიღებს დამოუკიდებლობას.
უსაფრთხოების გარანტიებიანი ნეიტრალიტეტი რუსეთს არ აწყობს. ამიტომ არ გამოვა მაგაზე შეთანხმება.
მეორე, უგარანტიო ნეიტრალიტეტი, ნეიტრალიტეტი არ არის. სუვერენიტეტის დათმობაა.
ამიტომ, არჩევანი ნეიტრალიტეტს და ომს შორის არ არსებობს. იგივე არჩევანია, რაც ომი და დესუვერენიზაცია.
შესაბამისად, თუ გეომებიან, უნდა იომო.
და მანამდე გააგრძელო უსაფრთხოების გაძლიერება.
ნატო არ გვიღებს დღეს და ამიტომ დავთმოთ სუვერენიტეტი, არის ის, რასაც რუსეთი გვეუბნება. ამას თუ ულტიმატუმის სახით გვეტყვის, ნიშნავს, რომ მოგვიწევს ომი. სამწუხაროდ.
კაპიტულაციით ქვეყნების გადარჩენა არ ხდება. თუ მოგვერევა რუსეთი, მოვა დრო და დღეს ეს ბრძოლა იქნება ხვალ სუვერენიტეტის აღდგენის გარანტია. ხვალ სუვერენიტეტის დაკარგვის შიშით დღეს სუვერენიტეტის დათმობა არის სიგიჟე და სიბრიყვე.
ამიტომ, მისახედი გვაქვს უსაფრთხოება და დემოკრატია. რომ ეს დილემა თუ დაგვიდგა, ვიყოთ უფრო ძლიერი ვიდრე დღეს და გვყავდეს უფრო მეტი პარტნიორი, ვიდრე დღეს. ამიტომ არის ეს მთავრობა გასაშვები, რომ ვერც ერთ ამ მიზანს 9 წლის განმავლობაში ვერ მიაღწია,"- წერს სერგი კაპანაძე.
ძალიან მაგარი ამბავია, რომ უცხოური ლეგიონის ლამის ნახევარი ქართველები ვართ. მხნედ ვართ, მტკიცედ, - ამის შესახებ პარტია “მოქალაქეების“ ლიდერი, უკრაინაში მყოფი ალეკო ელისაშვილი სოციალურ ქსელში წერს.
უკრაინაში მყოფი საქართველოს თავდაცვის ყოფილი მინისტრი ირაკლი ოქრუაშვილი მიიჩნევს, რომ ამ ომს მინიმუმ ორი დადებითი შედეგი ექნება: პირველი, უკრაინა გაიმარჯვებს და უფრო გაძლიერდება, მეორე - რუსეთში ან პუტინის რეჟიმის ცვლილება მოხდება ან საერთოდ დაშლას დაიწყებს.
"ისევ დაიწყო … ყველა ევროპულ ქვეყნებში დაიწყო კოვიდის ჰოსპიტალიზაციის რიცხვის ზრდა" - გიორგი ფხაკაძე
ჯანდაცვის ექსპერტი გიორგი ფხაკაძე წერს, რომ კოვიდინფექცია ისევ იკრებს ძალებს. გთავაზობთ მის სტატუსს:
"უკრაინის დღევანდელი ღერბი "ტრეზუბეცი" ნამდვილ რუსთა სახელმწიფოს საფუძველშივე იდო. ის მეცხრე საუკუნეში კიევისა და ნოვგოროდის დიდი მთავრის ვოლოდომირის მიერ მოჭრილ მონეტაზეა გამოსახული”,- წერს სოციალურ ქსელში ევროპული კვლევების ცენტრის დირექტორი, რონდელის ცენტრის მკვლევარი კახა გოგოლაშვილი.
