დაბნეული ხართ, რადგან რაღაც საკითხთან დაკავშირებით ურთიერთგამომრიცხავი ინფორმაცია მოგდით. ნებისმიერ შემთხვევაში, ეცადეთ, სამოქმედო გეგმა თავად შეადგინოთ და დამოუკიდებლად იმოქმედოთ. თუ წარმატებას მიაღწევთ, გარშემო მყოფთა თვალში დამატებით ქულებს და ნდობას მოიპოვებთ.

კურო

შესაძლოა, ძალიან მაცდური შეთავაზება მიიღოთ, მაგრამ მაშინვე ნუ დათანხმდებით! სავარაუდოდ, ვიღაც თქვენს მოტყუებას ცდილობს. გირჩევთ, ამ დღეს განსაკუთრებულად ფრთხილი და ყურადღებიანი იყოთ, გახსოვდეთ: ყველაფერი ოქრო არ არის, რაც ბრწყინავს.

ტყუპები

დღის განმავლობაში თქვენი გეგმები შეიძლება მკვეთრად შეიცვალოს. სავარაუდოდ ამაში თავად ხართ დამნაშავე, თუმცა არც ის არის გამორიცხული, რომ ყველაფერი თქვენგან დამოუკიდებელი მიზეზების გამო მოხდა. ასეა თუ ისე, სწრაფად ცვალებად გარემოებებთან შეგუება უნდა შეძლოთ. ნუ გაგიკვირდებათ, თუ თითქმის მოგვარებული საქმე მოულოდნელად ჩაიშლება.

კირჩხიბი

მოდუნებული ხართ და სამუშაო განწყობის შექმნა გიჭირთ.თქვენს სხეულს შესვენება სჭირდება და ამას არ უნდა შეეწინააღმდეგოთ. დროა, წუთშესვენება აიღოთ, დაწყებული საქმის დასრულებას მომდევნო დღეებში შეძლებთ.

ლომი

შეგიძლიათ გარისკოთ, თუ ამის საჭიროებას გრძნობთ, მაგრამ ეს რისკი კარგად გააზრებული უნდა იყოს. ამ დღეს იღბალი ფრთხილ და წინდახედულ ლომებს გაუღიმებს. იზრუნეთ საკუთარ ჯანმრთელობაზე - ვარჯიში და დაბალანსებული დიეტა ისაა, რაც ახლა ყველაზე მეტად გჭირდებათ.

ქალწული

ეს დღე უდიდეს შესაძლებლობებს შემოგთავაზებთ. უზარმაზარი ენერგიისა და კომუნიკაბელურობის წყალობით, თითქმის ნებისმიერ სფეროში წარმატების შანსი გაქვთ. მთავარია, ყველა საქმის ერთდროულად მოგვარება არ სცადოთ. თქვენი წარმატების საიდუმლო მარტივია - ათობით საქმიდან ყველაზე პერსპექტიული უნდა აირჩიოთ და ბოლომდე მიიყვანოთ.

სასწორი

რისკისა და თავგადასავლების მოყვარულ სასწორებს ვულოცავთ - ეს თქვენი დღეა! რა თქმა უნდა, ნებისმიერი სარისკო ნაბიჯი კარგად უნდა გათვალოთ, მაგრამ ყველა ფაქტორს არცერთი თეორია არ ითვალისწინებს. თუ მოქმედება გადაწყვიტეთ, უნდა იმოქმედოთ. ეს დღე რისკის გარეშეც არაპროგნოზირებადი იქნება.

მორიელი

მორიელის საქმეებში გარდამტეხი მომენტია! ძალიან მალე თქვენთვის ახალი გზები და შესაძლებლობები გაიხსნება, თუმცა ცვლილებები მხოლოდ იმ შემთხვევაში მოხდება, თუ რისკისთვის მზად ხართ. ამ შემთხვევაში შეგიძლიათ ისეთ დიდ ცვლილებებზე იფიქროთ, როგორიც ახალი სამუშაო ან საცხოვრებელი ადგილის შეცვლაა. ექსპერიმენტების ნუ გეშინიათ, რადგან დრო გადის და ცხოვრება ერთ ადგილზე არ დგას!

მშვილდოსანი

შეიძლება მოულოდნელად საოცნებო შანსი მოგეცეთ, რომელსაც დიდი ხანია ელით და ამისი წყალობით, ძველი გეგმები განახორციელოთ. ვარსკვლავები გაფრთხილებენ - ბედნიერი შანსი ხელიდან რომ არ გაუშვათ, ყურადღებით უსმინეთ ყველაფერს, რაც თქვენ გარშემო ხდება.

თხის რქა

გეგმები შეიცვალა, ამიტომ დღის განმავლობაში ისეთი საქმეების კეთება მოგიწევთ, რომლებშიც კარგად ვერ ერკვევით. ასეა თუ ისე, მოგიწევთ გადაჭრათ საკითხები, რომლებიც თქვენს კომპეტენციას სცილდება. ეს კონკრეტული ამბავი თქვენს ცხოვრებაში ხალისს და მრავალფეროვნებას შემოიტანს, თუმცა მომავალში ასეთ სიურპრიზებს უნდა მოერიდოთ.

მერწყული

ხელსაყრელი დღეა კარიერული წინსვლისა და განვითარებისთვის. უფრო მეტიც, თუ სამოქმედო გეგმა გაქვთ, შეგიძლიათ ამ მიმართულებით კონკრეტული ნაბიჯების გადადგმა დაიწყოთ. შესაძლოა, მოულოდნელად თქვენი შესაძლებლობების სრულად გამოვლენის შანსი მოგეცეთ.

თევზები

შესაძლოა, ერთი ნაბიჯის უკან გადადგმა მოგიწიოთ, რათა შექმნილი ვითარება შეაფასოთ და წინ ორი ნაბიჯი გადადგათ. თუნდაც ეს ვიღაცას უკან დახევად მოეჩვენოს, ჯობს ცოტა ხნით უკან დაიხიოთ, ვიდრე წლების მანძილზე დაკეტილ კართან აკაკუნოთ. ვარსკვლავები გპირდებიან, რომ კონტრშეტევისა და წინსვლისთვის კიდევ ბევრი შესაძლებლობა გექნებათ!