ერთი შეხედვით, შეიძლება მოგეჩვენოთ, რომ უიღბლო დღეა, მაგრამ ასე არ არის. ეცადეთ, რაც შეიძლება ნაკლებად პრეტენზიული იყოთ გარშემომყოფების მიმართ. ნუ მისცემთ საყვარელ ადამიანს ეჭვიანობის საბაბს — ამ დღეს შესაძლოა ყველაზე პატარა მიზეზმაც კი სერიოზული სკანდალი გამოიწვიოს, რის შემდეგაც შერიგება რთული იქნება.

კურო

ამ დღეს თავი შეიკავეთ ერთფეროვანი და რუტინული სამუშაოსგან. თქვენში ძლიერი შემოქმედებითი პოტენციალი გაიხსნება, ამიტომ შეგიძლიათ შემოქმედებითი საქმიანობით დაკავდეთ. შესაფერისი დროა სახლის კეთილმოწყობისა და ეზოს გამწვანებისთვის. პირად ცხოვრებაში გარკვეული სირთულეები გელით. ემოციებისთვის თავის არიდება რთული იქნება, მაგრამ ეცადეთ, გარშემო მყოფები თქვენს ცხოვრებაში არ ჩაახედოთ. გაუთვალისწინებელი ხარჯების გამო შესაძლოა, რთულ მდგომარეობაში აღმოჩნდეთ, ამიტომ ძვირად ღირებული ნივთების ყიდვისგან თავი შეიკავეთ.

ტყუპები

ამ დღეს შორს გამგზავრებას უნდა მოერიდოთ, რადგან გზაში სირთულეები გელით. ეცადეთ, დაწყებული საქმეები დროულად დაასრულოთ, რადგან ამაზე თქვენი კარიერული მდგომარეობაა დამოკიდებული. თავიდან შეიძლება მოგეჩვენოთ, რომ ასეთი მოცულობის სამუშაოს ვერ გაუმკლავდებით, თუმცა თანდათან მიხვდებით, რომ ყველაფერი არც ისე რთულადაა, როგორც ფიქრობდით. ეცადეთ, საყვარელ ადამიანს მეტი დრო დაუთმოთ და მის გვერდით იყოთ იმდენად, რამდენსაც გარემოებები ამის საშუალებას მოგცემთ.

კირჩხიბი

ამ დღეს შეიძლება ნებისმიერმა უმნიშვნელო კრიტიკამ ან უსიამოვნო შენიშვნამ ჩხუბისკენ გიბიძგოთ. ეცადეთ, გარშემო მყოფების სიტყვები ასე მტკივნეულად არ მიიღოთ, რადგან ეს თქვენს განწყობასა და ჯანმრთელობაზე უარყოფითად აისახება. დღის მეორე ნახევარში მოსალოდნელია მცირე უთანხმოება საოჯახო საკითხების გამო. გირჩევთ, ოჯახის უფროსი წევრის აზრს მეტი ყურადღებით მოეკიდოთ და ბიუჯეტის დაგეგმვის დროს ძველი შეცდომა არ გაიმეოროთ.

ლომი

თუ ბოლო დროს პრობლემების რაოდენობამ მოიმატა, ეს ნიშნავს, რომ მნიშვნელოვან საკითხთან დაკავშირებით არასწორი გადაწყვეტილება მიიღეთ. ფრთხილად იყავით, შესაძლოა, ფინჯან ყავასთან უწყინარი საუბრის დროს საკუთარი ან ახლობელი ადამიანის საიდუმლო გაამხილოთ. ვარსკვლავები გირჩევენ, რომ საქმიანობის სფერო შეცვალოთ ან ხანმოკლე შესვენება აიღოთ. ამ დღეს ახალი ნაცნობობა სიხარულს არ მოგიტანთ, პირიქით — ტვირთად დაგაწვებათ.

ქალწული

შორსმჭვრეტელობისა და გამჭრიახობის წყალობით ამ დღეს სერიოზული კონფლიქტის თავიდან აცილებას შეძლებთ. დროა, ძველი გეგმების განხორციელება დაიწყოთ — ვარსკვლავების მხარდაჭერით ამ დღეს ყველაფერი გამოგივათ. ძველი პარტნიორებისგან შეიძლება საინტერესო და პერსპექტიული შემოთავაზებები მიიღოთ. უარის თქმა არ იჩქაროთ — საქმე შესაძლოა ფინანსურად ძალიან მოგებიანი აღმოჩნდეს.

სასწორი

სასწორებო, ახლობლებს ყურადღებას ნუ მოაკლებთ. ბევრი საქმე გაქვთ და გსურთ, რაც შეიძლება მალე დაასრულოთ, მაგრამ ზოგჯერ შეიძლება ყველაზე მნიშვნელოვანი საქმეებიც კი გვერდით გადადოთ და ოჯახური პრობლემებით დაკავდეთ. გადაღლა თქვენს ზოგად მდგომარეობაზე აისახება, ამიტომ ხანგრძლივი და ხარისხიანი დასვენება ნამდვილად არ გაწყენდათ. გადამწყვეტი ნაბიჯის დროა — თუ დიდი ხანია გსურთ ვიღაცას სიყვარულში გამოუტყდეთ, იმოქმედეთ. კონკურენციას ყურადღებას ნუ მიაქცევთ — ეს დროებითია.

მორიელი

გახსოვდეთ, რომ კოლეგებზე და ახლობელ ადამიანებზე დაყრდნობა ყოველთვის შეგიძლიათ. რთულ სიტუაციაში ისინი თქვენ გვერდით იქნებიან, ამიტომ რაც არ უნდა მოხდეს, შეგიძლიათ მათ მიმართოთ. დღის მეორე ნახევარი გართობისა და სხვადასხვა ადგილების მონახულებისთვის ხელსაყრელია. ეს არა მხოლოდ განწყობას გაგიუმჯობესებთ, არამედ ახალი, საინტერესო ადამიანების გაცნობაშიც დაგეხმარებათ. მადლობა გადაუხადეთ საყვარელ ადამიანს დახმარებისთვის — თქვენ შესანიშნავად იცით, ეს როგორ გააკეთოთ.

მშვილდოსანი

ყურადღება მიაქციეთ იმას, რას ამბობთ. ამ დღეს ენა შეიძლება თქვენი მტერი გახდეს, ამიტომ განსაკუთრებული სიფრთხილეა საჭირო. სანამ შეთავაზებულ პირობებს დათანხმდებით, კარგად დაფიქრდით, რას მიიღებთ საბოლოოდ და მოგიწევთ თუ არა საკუთარ ინტერესებზე უარის თქმა. მეგობრული ურთიერთობა შეიძლება თანდათან ვნებიან რომანში გადაიზარდოს და ცხოვრების ბოლომდე გაგრძელდეს. შესაძლოა რაღაც საკითხთან დაკავშირებით, რომელსაც დიდი ხანია, სარგებლობა არ მოაქვს, შეხედულების შეცვლა მოგიწიოთ. ეცადეთ, საკუთარი ცხოვრება უსარგებლო ნივთებისა და შეხედულებებისგან გაათავისუფლოთ.

თხის რქა

ეს დღე წინააღმდეგობებით სავსეა, მაგრამ ვარსკვლავების დახმარებით ჩანაფიქრის განხორციელებას შეძლებთ. დღის პირველ ნახევარში მოსალოდნელია საბედისწერო შეხვედრა, რომელიც თქვენს ცხოვრებას მნიშვნელოვნად შეცვლის. ხელსაყრელია ნათესავებთან სტუმრობა, მაგრამ ეცადეთ, დაპირებები არ გასცეთ, რადგან მათი შესრულება გაგიჭირდებათ. მოლაპარაკებები თქვენთვის სასურველი შედეგით დასრულდება, ამიტომ ეს შესაძლებლობა უნდა გამოიყენოთ. 

მერწყული

კარგი დღეა ახალი საქმის დასაწყებად. ეს განსაკუთრებით მათ ეხება, ვისაც მანქანის მართვის სწავლა სურს. ხმაურიან გარემოში ყოფნისგან ჯობია თავი შეიკავოთ, მაგრამ სასიამოვნო საზოგადოებაში დრო შეუმჩნევლად გაივლის. ნუ მისცემთ საყვარელ ადამიანს ეჭვის საბაბს. პირიქით, ეცადეთ მთელი დღე ერთად სასიამოვნო ადგილზე გაატაროთ. ერთმანეთისთვის სათქმელი ნამდვილად ბევრი გაქვთ და გულწრფელი საუბარი ძველ გაუგებრობებს აღმოფხვრის.

თევზები

ამ დღეს ისე მშვიდი და თავშეკავებული უნდა იყოთ, როგორც არასდროს. მოზღვავებული ემოციები მუშაობაშიც და ურთიერთობებშიც ხელს გიშლით და პრობლემები მოაქვს. შემოქმედებით ადამიანებს სამსახურში წარმატება ელით, მარტოხელა თევზებს კი — ახალი ნაცნობობა, რომელიც მთელ ცხოვრებას შეცვლის. დაოჯახებული თევზებისთვის დღე მშვიდად, გაუგებრობებისა და კონფლიქტების გარეშე ჩაივლის.