უკრაინის ყოფილ პრეზიდენტს სახელმწიფო ღალატისთვის ბრალი წაუყენეს
უკრაინის ყოფილ პრეზიდენტს, ვიქტორ იანუკოვიჩს სახელმწიფო ღალატისთვის ბრალი წაუყენეს.
როგორც უკრაინული მედია გენერალური პროკურორის ოფისზე დაყრდნობით წერს, საქმე ეხება 2010 წელს რუსეთთან ე.წ. ხარკოვის შეთანხმებების ხელმოწერას.
პროკურატურის განცხადებით, 2010 წლის 21 აპრილს ხარკოვში ყოფნისას იანუკოვიჩი ხელოვნურად ქმნიდა პირობებს სუვერენულ ტერიტორიაზე რუსეთის ჯარის რაოდენობის გასაზრდელად, გაზზე ფასდაკლების მიღების საბაბით და ხელი მოაწერა შესაბამის შეთანხმებას უკრაინასა და რუსეთის ფედერაციას შორის.
პროკურატურის ცნობით, აღნიშნული დოკუმენტით 25 წლით გახანგრძლივდა ყირიმში რუსეთის ფედერაციის შავ ზღვის ფლოტის ყოფნის ვადა. ამავე დროს, უკრაინულ მხარეს ბუნებრივ აირზე ფასდაკლება ფაქტობივად არ მიუღია, ვინაიდან დოკუმენტების ხელმოწერამდე რუსეთის ფედერაციამ უკრაინისთვის გაზის საფასური ხელოვნურად გააორმაგა.
2014 წელს ყოფილი პრეზიდენტის, ვიქტორ იანუკოვიჩის მიერ ქვეყნის დატოვების შემდეგ, სამართალდამცავმა ორგანოებმა მის წინააღმდეგ 10-მდე საქმე აღძრეს. ის დამნაშავედ ცნეს სახელმწიფო ღალატსა და აგრესიული ომის ხელშეწყობაში, დაგეგმვაში, მომზადებასა და გაჩაღებაში. მას დაუსწრებლად 13 წლით თავისუფლების აღკვეთა აქვს მისჯილი.
თავად იანუკოვიჩი, რომელიც რუსეთს აფარებს თავს, დანაშაულს არ აღიარებს, მის წინააღმდეგ გამოძიებასა და სასამართლოს პოლიტიკურად მოტივირებულს უწოდებს.
სიახლეები
- "სანქციები რომ დააკისრონ ქვეყანას და ხალხს, ეს მიდგომა არასწორია"- ირაკლი ღარიბაშვილი
- "თურქეთი საქართველოს ევროატლანტიკურ სივრცეში გაწევრიანების მომხრედ რჩება და როგორც ადრე, ახლაც ისტორიის სწორ მხარეს დგას"
- პრეზიდენტმა „უცხოური გავლენის გამჭვირვალობის შესახებ” კანონს ვეტო დაადო
- "გავიგე, რომ ნატა ფერაძეს ოჯახთან ერთად მოუწია ქვეყნის დატოვება, რადგან დაჭერას უპირებდნენ სახელმწიფო გადატრიალების ბრალდებით"
- "პრეზიდენტად წოდებულს, ქალბატონს, რომ არ აინტერესებს კონსტიტუცია, ქვეყნის ინტერესები, ცხადი" - ირაკლი ღარიბაშვილი