პანდემია გლობალურად მწვავდება, ინდოეთში კი, სიტუაცია გულსატკენზე მეტია - ჯანმოს ხელმძღვანელი
„კოვიდ-19“-ის პანდემია გლობალურად მწვავდება, ინდოეთში კი, სიტუაცია გულსატკენზე მეტია, – ამის შესახებ ჯანდაცვის მსოფლიო ორგანიზაციის ხელმძღვანელმა, ტედროს ადანომ გებრეისუსმა ჟენევაში გამართულ პრესკონფერენციაზე განაცხადა.
მისი თქმით, გასულ კვირაში გლობალურად თითქმის იმდენი შემთხვევა დადასტურდა, რამდენიც პანდემიის პირველი ხუთი თვის განმავლობაში.
გებრეისუსის განცხადებით, ჯანდაცვის მსოფლიო ორგანიზაცია ინდოეთში პანდემიის წინააღმდეგ საბრძოლველად დამატებით პერსონალს და მასალებს გზავნის.
„როიტერის“ ცნობით, ინდოეთში პანდემიის დაწყების შემდეგ „კოვიდ-19“ 17 მილიონზე მეტ ადამიანს დაუდასტურდა, 195 000 ადამიანი კი, გარდაიცვალა. ბოლო ერთი კვირაა, ინდოეთში ყოველდღიურად „კოვიდ-19“-ის 300 000-ზე მეტი ახალი შემთხვევა ვლინდება.
სიახლეები
- რატომ ვირჩევთ ევროპას?
- "მართლაც კატასტროფაა იმის ყურება, თუ როგორი არაევროპული აღტყინებით იღებენ საკუთარ თავზე გეოგრაფიულად ევროპელები, ექსტრემიზმის სახელფასო სქემების დაფინანსებას"
- გარემოს ეროვნული სააგენტო მოსალოდნელი ამინდის შესახებ ინფორმაციას ავრცელებს
- 8 ოპოზიციური პარტია რეგიონებში წინააღმდეგობის წევრების ორგანიზებას იწყებს
- "ჩამოგდებული სამოქალაქო თვითმფრინავისთვის აზერბაიჯანი რუსეთს საერთაშორისო სასამართლოში უჩივის" - ილჰამ ალიევი
