ესპანეთში მუსიკალურ ფესტივალზე სცენის ჩამონგრევას მსხვერპლი მოჰყვა, არიან დაშავებულები

ესპანეთის ქალაქ ვალენსიას სიახლოვეს მუსიკალურ ფესტივალზე სცენის ნაწილობრივ ჩამონგრევას მსხვერპლი მოჰყვა.

უბედური შემთხვევის შედეგად გარდაიცვალა სულ მცირე ერთი ადამიანი, ათობით კი - დაშავებულია. ამის შესახებ ინფორმაციას „როიტერი“ ავრცელებს.

 

დაშავებულთაგან სამმა სერიოზული ტრავმა მიიღო, 14 ადამიანს კი ნაკლები სიმძიმის დაზიანება აღენიშნება. ჯამში, ჯანდაცვის უწყების ცნობით, სამედიცინო დახმარება 40 პირს გაეწია.

 

არსებული ცნობით, ელექტრონული მუსიკის ფესტივალ Medusa-ზე, რომელიც 6 დღის განმავლობაში იმართება, სცენის ნაწილობრივ ჩამონგრევა და სხვა სახის ინფრასტრუქტურის დაზიანებაც ძლიერმა ქარმა გამოიწვია.

 

„ძალიან შეწუხებულები ვართ იმით, რაც დღეს მოხდა“,- წერია ფესტივალის ორგანიზატორების გაცხადებაში, რომელსაც ისინი სოციალურ ქსელში ავრცელებენ.

 

ამ დროისთვის ფესტივალი შეჩერებულია.

წაკითხვა 92 ჯერ
ჩვენს შესახებ

მოკლე ინფო

ჩვენი მთავარი პრინციპებია: სიზუსტე, ოპერატიულბა და დაბალანსებული ინფორმაციის მიწოდება.

ჩვენს შესახებ

საინფორმაციო სააგენტო „პირველი ნიუსი“ 2018 წელს შეიქმნა. ჩვენი სააგენტოს ვებგვერდზე ქვეყნდება მიმდინარე პოლიტიკური, ეკონომიკური, სოციალური, მსოფლიო, კულტურული, სპორტული და სხვა აქტუალური სიახლეები.  სიტყვისა და გამოხატვის თავისუფლება ადამიანის ერთ–ერთი ძირითადი უფლებაა. სწორედ ამ უფლების გამოყენებით ჩვენმა გუნდმა აიღო ვალდებულება, რომ საზოგადოებას დროულად მივაწოდოთ ამომწურავი, ობიექტური ინფორმაცია ფაქტებისა და მოვლენების დამახინჯების გარეშე.