მისივე თქმით, გლობალურად არასტაბილური მდგომარეობა რეგიონში ვითარებას ართულებს.

„დღეს არის ისტორიული შეხვედრა, მაგრამ ასევე ძალიან მნიშვნელოვანია, რომ გამოაშკარავდეს შინაარსი და კონტექსტი, რომელიც დღეს იქმნება, აქ და ახლა. შეიძლება, გვქონდეს განსხვავებული შედეგი ან ფაქტები, მაგრამ ჩვენ შედეგებზე უნდა ვიყოთ ორიენტირებული. ეს არის ჩვენი მიდგომა. კარგად იცით, რომ გლობალურად არასტაბილური მდგომარეობა ჩვენს რეგიონში ართულებს ვითარებას. კარგად მოგეხსენებათ, რომ დიდი ხანია, რაც საერთაშორისო ყურადღება კონცენტრირებულია უკრაინაზე. აბსოლუტურად გასაგებია ეს ფაქტი. ეს ქმნის ახალ რისკებს ჩვენი რეგიონისთვის და ძალიან მნიშვნელოვანია, შევინარჩუნოთ საერთაშორისო ყურადღება ჩვენს რეგიონზეც, რადგან მიმაჩნია, რომ ჩვენთან საჭიროა ბევრი რისკის მართვა. ამ მთელ სიტუაციაში, ჩვენი დემოკრატიული სარეფორმო დღის წესრიგი აქცენტირებულია გარდაქმნებზე, დემოკრატიული ინსტიტუტების შექმნაზე, სამართლის უზენაესობაზე, ადამიანის უფლებებზე, სასამართლოს დამოუკიდებლობაზე და, საერთო ჯამში, ჩვენს რეგიონში ვითარება გაუმჯობესდება. მიმაჩნია, რომ მთელი რეგიონი ისარგებლებს, თუ ყველა საკუთარ წილს შეასრულებს ამ საქმეში“, – განაცხადა ნიკოლ ფაშინიანმა.