„დასავლეთს რუსეთის დესტაბილიზაცია და ნაწილებად დაყოფა სურს“ - მედვედევი
რუსეთის უშიშროების საბჭოს თავმჯდომარის მოადგილის, დიმიტრი მედვედევის განცხადებით, დასავლეთის მიზანი რუსეთის „ნაწილებად დაყოფაა“.
მისივე თქმით, დასავლეთს რუსეთის მსგავსი სახელმწიფოს არსებობა არ სჭირდება, რადგან სურს, რომ მსოფლიოში თავად დომინირებდეს.
„რაში სჭირდება დასავლეთის ქვეყანა, რომელსაც აქვს გიგანტური ტერიტორია და ყველაზე სერიოზული ბირთვული ფარი? ქვეყანა, რომელიც ამერიკელებსაც არ ემორჩილება? აბსოლუტურად არაფერში. ამიტომ დასავლეთის სურვილი ძალიან მარტივია: პოლიტიკური სიტუაციის დესტაბილიზაცია, ქვეყნის დაყოფა ნაწილებად, თითოეულ ამ ნაწილთან მოლაპარაკება და თითოეული მათგანის დემილიტარიზაცია.
მათ [დასავლეთის ქვეყნებს] არ სურთ ჩვენთან თანაბარი პარტნიორობა, რადგან მათ ეს არ სჭირდებათ. იგივე ეხება ჩინეთის მიმართ დასავლეთის დამოკიდებულებას. არა იმიტომ, რომ ჩვენ რაღაცნაირად არასწორები ვართ, არამედ იმიტომ, რომ მათ ეს არ სჭირდებათ. მათ უნდათ, რომ მთელ მსოფლიოში თავად დომინირებდნენ“, - განაცხადა მედვედევმა.
სიახლეები
- "ზურა ჯაფარიძეს ციხიდან ამ ფორმით გათავისუფლება სადისტური რეჟიმის სიმხდალის დემონსტრირებაა, შეშინებული რუსი ყველაფრის მკადრებელია" - ირაკლი კუპრაძე
- "პროტესტი დემონსტრირებაა, რომ მოქალაქეები არ ეგუებიან დიქტატურას" - ზურაბ ჯაფარიძე
- "პირველ ეტაპზე უვიზო მიმოსვლის შეჩერება შესაძლოა საქართველოს მთავრობის მიერ გაცემული დიპლომატიური, სამსახურებრივი და ოფიციალური პასპორტების მქონეებს შეეხოს"
- "კიევის რეჟიმი არსებითად უარს ამბობს კონფლიქტის მშვიდობიანად დასრულებაზე, თუმცა, ჩვენ მაინც ვხედავთ გარკვეულ სიგნალებს დიალოგთან დაკავშირებით" - ვლადიმერ პუტინი
- "უამრავი მნიშვნელოვანი პროექტი ხორციელდება, რომლის მონაწილე უნდა ვიყოთ, ევროპა ჩვენზე უარს ვერ იტყვის და ვერც ჩვენ ვიტყვით უარს ევროპაზე"
