ალექსეი ნავალნის გარდაცვალების გამო, ევროკავშირი სანქციების დაწესებას განიხილავს
რუსი ოპოზიციონერის, ალექსეი ნავალნის გარდაცვალების გამო ევროკავშირი სანქციების დაწესებას განიხილავს. აღნიშნულის შესახებ საგარეო პოლიტიკისა და უსაფრთხოების საკითხებში ევროკავშირის უმაღლესმა წარმომადგენელმა, ჯოზეფ ბორელმა ბრიუსელში საგარეო საქმეთა მინისტერიალის დაწყებამდე მედიასთან განაცხადა.
ჯოზეფ ბორელის თქმით, მინისტერიალს დაესწრება ალექსეი ნავალნის მეუღლე, იულია ნავალნაია.
„წევრი სახელმწიფოები აუცილებლად წარადგენენ სანქციებს პასუხისმგებელი პირების წინააღმდეგ. რა თქმა უნდა, მთავარი პასუხისმგებლობა თავად პუტინს ეკისრება. ჩვენ შეგვიძლია რუსეთის სასჯელაღსრულების სისტემის ინსტიტუციურ სტრუქტურას ჩავუყვეთ, თუმცა არ დაგავიწყდეთ, სინამდვილეში, ვინ არის პასუხისმგებელი ნავალნის სიკვდილზე“, – განაცხადა ბორელმა.
შეგახსენებთ, რუსი ოპოზიციონერის ალექსეი ნავალნის გარდაცვალების შესახებ რუსეთის სასჯელაღსრულების სამსახურმა 16 თებერვალს გაავრცელა ინფორმაცია.
სიახლეები
- როგორ შევინახოთ და მოვამზადოთ კვერცხი, რომ D3 ვიტამინი მასში მაქსიმალურად შენარჩუნდეს
- ნებაყოფლობით მიდიან თუ არა აფხაზები რუსეთ-უკრაინის ომში - “ბევრი ადამიანი მონაწილეობს და ბევრია დაღუპული”
- "ჩვენ თუ ჩვენს სამშობლოში არ გადავწყვიტეთ ჩვენი გადასაწყვეტი, რამდენიმე ათწლეულში ერი აღარ იარსებებს!" - მამუკა მდინარაძე
- ზოდიაქოს 4 ნიშანი, რომელსაც უნიკალური ჯანმრთელობა აქვს
- "არ მჯერა გამარჯვების არცერთი სცენარის, თუ არ მოხდა ძალების გაერთიანება, მჯერა, რომ ახლა რუსეთს ვებრძვით" - რას წერს ზურა ჯაფარიძე?
