"ტრამპმა თქვა, რომ მისი პრიორიტეტი ომის დასრულებაა და ამას გავაკეთებო, ვფიქრობ, ინაუგურაციის შემდეგ გვექნება შეხვედრა" - ზელენსკი
უკრაინის პრეზიდენტი ვოლოდიმირ ზელენსკი, შესაძლოა, აშშ-ს ახლად არჩეულ პრეზიდენტს დონალდ ტრამპს 20 იანვარს, ინაუგურაციის შემდეგ მალევე შეხვდეს, – ამის შესახებ ადგილობრივ მედიასთან ინტერვიუს დროს თავად უკრაინის პრეზიდენტმა განაცხადა.
„რა თქმა უნდა, პრეზიდენტი ტრამპის პრიორიტეტია მისი შიდა საკითხები. ეს გასაგები იყო მისი საარჩევნო კამპანიიდან და მისი ყოველდღიური გზავნილებიდან. რაც შეეხება საერთაშორისო დღის წესრიგს, ეს იქნება უკრაინა და ახლო აღმოსავლეთი. დიახ“, – განაცხადა ზელენსკიმ.
უკრაინის პრეზიდენტმა ასევე გაიხსენა დონალდ ტრამპთან სატელეფონო საუბარი.
„ტრამპმა ტელეფონით საუბრისას მითხრა, ერთ-ერთ პირველ ვიზიტს თქვენსას ველოდებიო. მან ეს მითხრა. რადგან ამბობს, რომ მისი პრიორიტეტი ომის დასრულებაა და ამას გავაკეთებო, ამიტომ, ვფიქრობ, დიახ, ინაუგურაციის შემდეგ გვექნება შეხვედრა“, – განაცხადა ზელენსკიმ.
სიახლეები
- უცხოური ვალუტის ოფიციალური კურსი 4 ოქტომბრისთვის
- ცესკოში საერთაშორისო დამკვირვებელი ორგანიზაციების წარმომადგენლებთან შეხვედრა გაიმართა
- "აქამდე ჩვენ ვიკრიბებოდით და ვიშლებოდით, ახლა ვიკრიბებით მათ დასაშლელად" - მიხეილ სააკაშვილი
- ცესკოს ხელმძღვანელი პირები სხვადასხვა ქვეყნის საარჩევნო ადმინისტრაციების წარმომადგენლებს შეხვდნენ
- საქართველოსა და სამხრეთ აფრიკის საარჩევნო კომისიებს შორის ურთიერთგაგების მემორანდუმი გაფორმდა
