აშშ-ის სასამართლომ “რადიო თავისუფლების“ დაფინანსების გაუქმება აკრძალა
ფედერალურმა მოსამართლემ „რადიო თავისუფლების“ დაფინანსების შეწყვეტის შესახებ, დონალდ ტრამპის ადმინისტრაციის გადაწყვეტილება დროებით დაბლოკა, – ამის შესახებ, ინფორმაციას CNN-ი ავრცელებს.
მედიის ცნობით, ვაშინგტონის ფედერალური ოლქის მოსამართლემ, დროებითი შემაკავებელი ორდერის შესახებ „რადიო თავისუფლების“ მოთხოვნა დააკმაყოფილა, რაც მაუწყებელს გარკვეული დროის განმავლობაში ეთერში დარჩენაში დაეხმარება.
სასამართლომ დაადგინა, რომ მედიაკორპორაციის სარჩელის განხილვის დასრულებამდე, აშშ-ის გლობალური მედიის სააგენტომ (USAGM) არ უნდა განახორციელოს ზომები, რომლის შედეგად „რადიო თავისუფლება“ შეიძლება დაიხუროს. ერთ-ერთი ასეთი გადაწყვეტილება იყო სააგენტოს მიერ საგრანტო შეთანხმების მოქმედების გაუქმება, რომლის მიხედვით „რადიო თავისუფლება“ აშშ-ის კონგრესის მიერ გამოყოფილ თანხებს იღებს.
შეგახსენებთ, 15 მარტს, აშშ-ის პრეზიდენტის, დონალდ ტრამპის აღმასრულებელი ბრძანების საფუძველზე, აშშ-ის გლობალური მედიის სააგენტომ (USAGM) „რადიო თავისუფლებას“ გრანტები შეუწყვიტა და „ამერიკის ხმის“ 1300-ზე მეტი თანამშრომელი ანაზღაურებად ადმინისტრაციულ შვებულებაში გაუშვა. 19 მარტს „რადიო თავისუფლებამ“ USAGM-ს, მის დირექტორის მოვალეობის შემსრულებელს ვიქტორ მორალესსა და სპეციალურ მრჩეველს კერი ლეიკს სასამართლოში უჩივლა.
სიახლეები
- სისხლის სამართლის კანონმდებლობაში „სამშობლოს ღალატის“ მუხლის დაბრუნების ინიციატივა პარლამენტმა მესამე მოსმენით მიიღო
- პროკურატურამ მამუკა ხაზარაძეს ბრალდება წარუდგინა
- „ნაცმოძრაობამ“ გუშინ რაც ჩაიდინა, სამარცხვინოა, მაგრამ ესეც არ არის ახალი, 13 წელია, თავს ესხმის ყველანაირ პროცესს, სადაც ცენტრში არ არის მიშა სააკაშვილი” – ჩერგოლეიშვილი
- „ნაცმოძრაობამ“ გუშინ რაც ჩაიდინა, სამარცხვინოა, მაგრამ ესეც არ არის ახალი, 13 წელია, თავს ესხმის ყველანაირ პროცესს, სადაც ცენტრში არ არის მიშა სააკაშვილი” – ჩერგოლეიშვილი
- "ოპოზიციაში არის არეულობა, რადგან როდესაც თავის მიზანს ვერ მიაღწიეს, ამან დაბნეულობა გამოიწვია"- მამუკა მდინარაძე
