უკრაინაში ოპერაცია მიმდინარეობს ანტიკორუფციულ ბიუროში „რუსული გავლენის ნეიტრალიზებისთვის“
დღეს, 21 ივლისს, დილით უკრაინის უსაფრთხოების სამსახურმა გენერალური პროკურორის ოფისთან ერთად დაიწყო სპეციალური ოპერაცია, რომლის მიზანია ეროვნულ ანტიკორუფციულ ბიუროში „რუსული გავლენის ნეიტრალიზაცია“.
ამის შესახებ რადიო თავისუფლების უკრაინული სამსახური წერს უსაფრთხოების სამსახურში თავის წყაროებზე დაყრდნობით.
წინასწარი ინფორმაციით, უკრაინის ანტიკორუფციული ბიუროს ერთ-ერთი თანამშრომელი რუსეთს საიდუმლო მონაცემებს გადასცემდა ექს-პრეზიდენტ იანუკოვიჩის გარემოცვის მეშვეობით. კიდევ ერთი ეჭვმიტანილია რუსეთში ბიზნესის უკანონოდ წარმოებაში.
თავად უკრაინის ეროვნულმა ანტიკორუფციულმა ბიურომ დილით გაავრცელა მოკლე განცხადება, რომ უსაფრთხოების სამსახურის და გენერალური პროკურორის ოფისის თანამშრომლები საგამოძიებო მოქმედებებს ატარებენ სასამართლოს დადგენილების გარეშე.
გამოცემა „უკრაინსკა პრავდას“ ანტიკორუფციულ სამსახურში უთხრეს, რომ დილიდან 80-მდე ჩხრეკა მიმდინარეობს.
სიახლეები
- სამხრეთ კორეაში, წყალდიდობის შედეგად დაღუპულთა რაოდენობამ 18-ს მიაღწია
- “მონაწილეებს შორის არ იყო არანაირი კონკურენცია და ეჭვიანობა, მხოლოდ ერთიანობა” - სააკაშვილი გუშინდელ აქციაზე
- “ფაქტია, რომ „დიპ სტეიტის“ სახით, აშშ-ს და საქართველოს ერთი მტერი ჰყავს; ცნობილია ამ მტრის მიზნებიც, მეთოდებიც და ანატომიაც, ეს უკვე მნიშვნელოვანი ნაბიჯია გამარჯვებისკენ” – პაპუაშვილი
- ”დამოუკიდებლობა გვინდა და სუვერენიტეტის შენარჩუნება სხვის დაკრულზე ცეკვას არ ნიშნავს” – არჩილ გორდულაძე
- “მაკრონის რეიტინგი რეკორდულად დაეცა” - Figaro
