"გვირჩევნია, კონფლიქტის მიზეზები დიპლომატიით აღმოვფხვრათ, უკრაინა და მისი მფარველები თუ უარს იტყვიან არსებით საუბარზე, რუსეთი ისტორიული მიწებს სამხედრო გზით გაათავისუფლებს"
სპეციალური სამხედრო ოპერაციის მიზნები უპირობოდ იქნება მიღწეული, – ამის შესახებ რუსეთის პრეზიდენტმა, ვლადიმერ პუტინმა თავდაცვის სამინისტროს კოლეგიის გაფართოებულ სხდომაზე განაცხადა.
მისივე თქმით, უსაფრთხოების ბუფერული ზონის შექმნის და გაფართოების ამოცანა ასევე თანმიმდევრულად გადაწყდება
„სპეციალური სამხედრო ოპერაციის მიზნები უპირობოდ იქნება მიღწეული. ჩვენ გვირჩევნია კონფლიქტის საწყისი მიზეზები დიპლომატიის საშუალებით აღმოვფხვრათ, ხოლო თუ მოწინააღმდეგე მხარე, მათი დასავლელი მფარველები უარს იტყვიან არსებით საუბარზე, რუსეთი ისტორიული მიწების გათავისუფლებას სამხედრო გზით შეძლებს. უსაფრთხოების ბუფერული ზონის შექმნის და გაფართოების ამოცანა ასევე თანმიმდევრულად გადაწყდება“, – განაცხადა პუტინმა.
ცნობისთვის, სამშვიდობო მოლაპარაკებების ფარგლებში რუსეთი უკრაინისგან მთელი დონბასიდან ტერიტორიიდან ძალების გაყვანას ითხოვს. უკრაინის პრეზიდენტი ტერიტორიების დათმობაზე უარს აცხადებს.
თავდაცვის სამინისტროს კოლეგიის სხდომაზე პუტინმა კომენტარი გააკეთა ევროპული ქვეყნებთან რუსეთის შესაძლო სამხედრო დაპირისპირებაზე და ამას სიცრუე უწოდა.
„ევროპაში ადამიანებს თავში უტენიან შიშებს რუსეთთან გარდაუვალ შეტაკებასთან დაკავშირებით. ეუბნებიან, რომ უნდა ემზადონ დიდი ომისთვის. უკვე არაერთხელ ვთქვი, ეს სიცრუეა. თუმცა, ეს სავსებით გაცნობიერებულად კეთდება“, – აღნიშნა პუტინმა.
სიახლეები
- "საქართველოს ხელისუფლება, ჩვენი ქვეყანა თავდაცვის რეჟიმშია, ცრუ განცხადებებს როცა ვისმენთ, ჩუმად უნდა ვიყოთ?"- კახა კალაძე
- „ბიბისის“ რეპორტაჟთან დაკავშირებით სიმართლის გამჭვირვალედ დასადგენად ერთადერთი დარჩენილი გზა საერთაშორისო გამოძიებაა" - გიორგი გახარია
- ქუთაისში ახალი მრავალფუნქციური სპორტის სასახლის პროექტირება მიმდინარეობს
- პარლამენტმა მხარი დაუჭირა „სისხლის სამართლის კოდექსში“ ცვლილებებს, რომლის მიხედვითაც, არასრულწლოვნის დანაშაულის ჩადენაში ჩაბმისთვის პასუხისმგებლობა მკაცრდება
- უცხოური ვალუტის ოფიციალური კურსი 18 დეკემბრისთვის
