ბუკინგემის სასახლე ჰარისა და მეგანს დაფინანსებას უწყვეტს - რა სახსრებით აპირებს წყვილი ცხოვრებას?
მას მერე, რაც პრინცმა ჰარიმ და მისი მეუღლემ მეგან მარკლიმ უარი თქვეს სამეფო ტიტულზე, ისინი სამეფო პრივილეგიებს ვეღარ გამოიყენებენ.
როგორც ცნობილი ხდება, ბუკინგემის სასახლე სულ მალე მათ ფინანსურად აღარ უზრუნველყოფს. წყვილი დიდ ბრიტანეთში გადასახადებს ჩვეულებრივი მოქალაქეების მსგავსად გადაიხდის, გადასახადების რაოდენობა კი მცირე არ არის, როგორც "buzzfeednews" წერს, ეს თანხა, სავარაუდოდ, ყოველწლიურად 2.4 მილიონი ევრო იქნება.
მართალია, ბრიტანეთში ჰარისა და მეგანს ჯერ კიდევ ჰერცოგად და ჰერცოგინიად მოიხსენიებენ, მაგრამ ისინი უკვე სამეფო ოჯახის წევრებად აღარ მიიჩნევიან. შესაბამისად, პრინცი სამეფო ოჯახისგან, მისთვის გამოყოფილ წლიურ გრანტს ვეღარ მიიღებს, რომელსაც ელიზაბეტ მეორე ყოველ წელს მთავრობასთან შეთანხმებით გასცემდა.
რა სახსრებით და როგორ იცხოვრებენ მეგანი და ჰარი?
- მსოფლიო საზოგადოება ამაზე ბევრს საუბრობს, თუმცა არ ინერივულოთ, როგორც ირკვევა, წყვილმა უკვე საკმაოდ დიდი ქონება დააგროვა.
2014 წელს პრინცმა ჰარიმ დედისგან, ლედი დისგან დანატოვარი 10 მილიონი ევრო მიიღო, მას ასევე ანდერძის თანახმად, 7 მილიონი ევრო დიდი ბებიისგან - დედა დედოფლისგან ერგო, რომელიც 2002 წელს გარდაიცვალა. არც მეგან მარკლის ქონებაა მოკრძალებული, მან თავისი სამსახიობო კარიერით უკვე 5 მილიონი ამერიკული დოლარი მოაგროვა.
ბრიტანეთის ყოფილი ჰერცოგი და ჰერცოგინია სამომავლოდ "Frogmore"-ის სახლში აპირებენ ცხოვრებას, რომელიც დიდ ბრიტანეთში, უინდძორის სასახლის ტერიტორიაზე მდებარეობს. როგორც ბრიტანული პრესა წერს, წყვილი "Frogmore"-ის სახლში ქირას არ გადაიხდის, როგორც ჩანს, ამ შემთხვევაში დედოფალი დათმობაზე წავიდა.
სამეფო ოჯახის წევრობაზე უარის თქმის გამო, პრინცმა ჰარიმ თავისი სამხედრო ჰონორარიც დაკარგა, რომელსაც სამეფო ოჯახის წევრობის გამო იღებდა. გაჩნდა შეკითხვა, - თუ ვინ გადაიხდის მომავალში წყვილის უსაფრთხოების ხარჯებს? ბუკინგემის სასახლე ამ თემაზე კომენტარს არ აკეთებს.
დედოფალი ელიზაბეტ მეორე მათ წასვლას გამოეხმაურა და ახალი, ბედნიერი ცხოვრების დაწყება უსურვა.
"მთელი ოჯახი ვიმედოვნებთ, რომ ეს გადაწყვეტილება დაეხმარება ჰარისა და მეგანს შექმნან და დაიწყონ ბედნიერი და მშვიდი ცხოვრება".
ელიზაბეტ მეორემ მათ ცხოვრებაში მოსალოდნელ სირთულეებზეც ისაუბრა და ვრცელი სიტყვა ბუკინგემის ოფიციალურ "ინსტაგრამგვერდზე" გამოაქვეყნა, დედოფალმა აღნიშნა, რომ ჰარი, მეგანი და არჩი მისთვის გამორჩეულად საყვარელი ოჯახის წევრები არიან და იქნებიან.
სიახლეები
- "თუ არ ხევ მანდატს და არ გადიხარ, ე.ი. პარლამენტის ლეგიტიმურობას აღიარებ?" - ვახტანგ ძაბირაძე
- "ხალხო, შევწყვიტოთ „ბალერინკობის“ თამაში, „ტროტუარზე არ ავიდეთ“, „სკამზე არ ავიდეთ“, მუდმივად ვიმეორებთ „კანონის ფარგლებში“, რომელი კანონის ფარგლებში, რომელიც აღარ არსებობს?! - საჭიროა სიმტკიცე, მიწოლა! " - მიხეილ სააკაშვილი
- მსხვერპლი მოჰყვა უკრაინის ქალაქ სუმიზე რუსული დრონებით შეტევას
- "მათ არაფერი აკავშირებთ ამ ქვეყანასთან და არაფერი რომ არ აკავშირებთ, იმიტომაც იღებენ პასუხს ქუჩაში მათივე მხარდამჭერებისგან"- შალვა პაპუაშვილი ოპოზიციაზე
- "დღევანდელი ოპოზიცია, ის ოთხეული, რომელმაც ბარიერი გადალახა არა ამომრჩევლის, რამედ უცხოელი პატრონების ნებას წარმოადგენს" - შალვა პაპუაშვილი
