"პანდემიის გაძლიერების პირობებშიც კი, სკოლებში სასწავლო პროცესი არ უნდა შეწყდეს"
ევროპაში პანდემიის გაძლიერების პირობებშიც კი, სკოლებში სასწავლო პროცესი არ უნდა შეწყდეს. ეს განცხადება ჯანდაცვის მსოფლიო ორგანიზაციის ევროპის ბიუროს ხელმძღვანელმა, ჰანს კლუგემ გააკეთა.
მისი თქმით, ევროპაში ახლა „კოვიდ-19“-ის აფეთქებაა და კონტინენტს წინ მძიმე დღეები ელის.
„ჩვენ ვხედავთ აფეთქებას. მხოლოდ რამდენიმე დღე იყო საკმარისი, რომ ევროპაში კორონავირუსის შემთხვევების რიცხვი მილიონით გაზრდილიყო“ ,- განაცხადა კლუგემ.
მიუხედავად ამისა, როგორც ჯანდაცვის მსოფლიო ორგანიზაციის წარმომადგენელი ამბობს, სკოლების დახურვა არ არის საჭირო, რადგან არ არსებობს მტკიცებულება, რომ ვირუსის გავრცელება სასწავლო დაწესებულებებში ხდება.
„ჩვენ ბოლო მომენტამდე უნდა გავაგრძელოთ სასწავლო პროცესი, რადგან ვერ დავუშვებთ, რომ „კოვიდ-19“-ის გამო თაობა დაიკარგოს“, – განაცხადა ჰანს კლუგემ.
მან ასევე მოუწოდა მოქალაქეებს აუცილებლად გამოიყენონ პირბადე.
„პირბადის ტარებით და სოციალური კონტაქტების შემცირებით ჩვენ თებერვლისთვის ევროპის რეგიონში 266 ათასი ადამიანის სიცოცხლის გადარჩენა შეგვიძლია“, – განაცხადა ჯანდაცვის მსოფლიო ორგანიზაციის ევროპის ბიუროს ხელმძღვანელმა.
სიახლეები
- "სანქციები რომ დააკისრონ ქვეყანას და ხალხს, ეს მიდგომა არასწორია"- ირაკლი ღარიბაშვილი
- "თურქეთი საქართველოს ევროატლანტიკურ სივრცეში გაწევრიანების მომხრედ რჩება და როგორც ადრე, ახლაც ისტორიის სწორ მხარეს დგას"
- პრეზიდენტმა „უცხოური გავლენის გამჭვირვალობის შესახებ” კანონს ვეტო დაადო
- "გავიგე, რომ ნატა ფერაძეს ოჯახთან ერთად მოუწია ქვეყნის დატოვება, რადგან დაჭერას უპირებდნენ სახელმწიფო გადატრიალების ბრალდებით"
- "პრეზიდენტად წოდებულს, ქალბატონს, რომ არ აინტერესებს კონსტიტუცია, ქვეყნის ინტერესები, ცხადი" - ირაკლი ღარიბაშვილი