ისრაელში COVID-19-ით პირველი პაციენტი გარდაიცვალა, - ამის შესახებ ინფორმაციას ადგილობრივი მედია ავრცელებს.
მათივე ინფორმაციით, 88 წლის მამაკაცი პარასაკევს ღამით იერუსალიმის ერთ-ერთ საავადმყოფოში დაიღუპა.
საავადმყოფოს მედპერსონალის განმარტებით, პაციენტს რამდენიმე თანმხლები დაავადება აღენიშნებოდა.
ბოლო მონაცემებით, ისრაელში ახალი კორონავირუსის 705 შემთხვევაა დადასტურებული, აქედან 9 პაციენტის მდგომარეობა მძიმეა, 18-ის - საშუალო, დანარჩენებს კი ვირუსის სუსტი სიმპტომები აღენიშნებათ. ქვეყანაში COVID-19-გან 15 ადამიანი განიკურნა.
„მიმდინარეობს რუსული მედიის და სახელისუფლებო მედიასაშუალებების მნიშვნელოვანი დეზინფორმაციული კამპანია COVID 19-თან დაკავშირებით,“ – აღნიშნულია ევროკავშირის დოკუმენტში, რომელიც Reuters-მა მოიპოვა.
მსოფლიოში კორონავირუსით გარდაცვლილთა რაოდენობამ 10 000-ს გადააჭარბა. ინფორმაციას BBC ავრცელებს.
საფრანგეთის პრემიერ-მინისტრი ედუარდ ფილიპი ხალხს სთხოვს დისტანცია დაიცვან და ერთმანეთს არ ჩაეხუტონ, რათა ვირუსის გავრცელება კიდევ უფრო არ მოხდეს.
“იუთუბი“ ევროკავშირის მასშტაბით მაუწყებლობის ხარისხს შეამცირებს, რომ მოახდინოს ინტერნეტის უპრეცედენტოდ მაღალ მოხმარებასთან გამკლავება. ინფორმაციას „ალ ჯაზირა“ ავრცელებს.
“ახლა უკვე ევროკავშირმა, შეერთებული შტატების შემდეგ, რუსეთი დასავლეთის ქვეყნებში კორონავირუსთნ დაკავშირებით ყალბი ინფორმაციის გვრცელებაში დაადანაშაულა - ამის შესახებ “ფაინენშლ ტაიმზი” 16 მარტის ევროკავშირის დახურულ მოხსენებაზე დაყრდნობით წერს. დოკუმეტში ნათქვამია, რომ სავარაუდოდ, პრო-რუსულმა მედიამ ევროპულ საზოგადოებაში პანიკის და შიშის გასავრცელებლად დეზინფორმაციული კამპანია დაიწყო, ხოლო დეზინფორმაციის ყველაზე აქტიური გამავრცელებლები იმ სოციალური ქსელების ანგარიშებია, რომლებმაც ადრე სფრანგეთში “ყვითელჟილეტიანების” პროტესტის შესახებ დაწერეს, ახლა კი კორონავირუსზე დეზინფორმაციებს ინგლისურ, ესპანურ, იტალიურ, გერმანულ და ფრანგულ ენებზე აქვეყნებენ”, - წერს გაზეთი “რეზონანსი” სტატიაში სათაურით რუსეთი ევროპაში პანიკას თესავს - ევროკავშირის მოხსენებაში საუბარია, როგორ იყენებს კრემლი პანდემიას დეზინფორმაციის გასავრცელებლად.
