ევროკავშირმა უკრაინის დედაქალაქ კიევში საელჩო ხელახლა გახსნა,- ინფორმაციას BBC-ი ავრცელებს.
უკრაინასა და რუსეთს შორის დღეს ტყვეების გაცვლა მოხდა, რის შედეგადაც 12 ჯარისკაცი და 14 მშვიდობიანი მოქალაქე ბრუნდება სახლში, - ამის შესახებ უკრაინის ვიცე-პრემიერმა ირინა ვერეშჩუკმა განაცხადა. ინფორმაციას საინფორმაციო სააგენტო „როიტერსი“ აქვეყნებს.
ქალაქ რუბეჟნოესთან ახლოს ორკები კვლავ თავს დაესხნენ აზოტმჟავის ავზს, - ამის შესახებ ინფორმაციას ლუგანსკის რეგიონალური სახელმწიფო ადმინისტრაციის უფროსი სერგი გაიდაი „ფეისბუქის“ საკუთარ გვერდზე ავრცელებს. მან მოსახლეობას თავდასხმის დროს მოქცევის წესები აუხსნა.
უკრაინაში რუსეთის შეჭრის შემდეგ, საცხოვრებლის დატოვება 11 მილიონზე მეტ ადამიანს მოუწია. ამის შესახებ ინფორმაციას გაერო ავრცელებს.
ბრიტანეთის პრემიერ-მინისტრი ბორის ჯონსონი კიევში ჩავიდა.
საფრანგეთი მზად არის რუსული ნავთობის იმპორტი აკრძალოს. ამის შესახებ საფრანგეთის ფინანსთა მინისტრმა ბრუნო ლე მერმა CNN - განუცხადა.
