რუსეთმა ბრაზილიას დასავლეთის მიერ დაწესებულ სანქციებთან გამკლავებაში დახმარება სთხოვა - Reuters
რუსეთი ბრაზილიას საერთაშორისო სავალუტო ფონდში, მსოფლიო ბანკსა და “დიდ შვიდეულში“ მხარდაჭერას სთხოვს, იმისთვის, რომ დასავლეთის მიერ დაწესებული სანქციების გამკლავებაში დაეხმაროს, - ინფორმაციას Reuters-ი საკუთარ წყაროზე დაყრდნობით ავრცელებს.
სააგენტოს ცნობით, რუსეთის ფინანსთა მინისტრმა, ანტონ სილუანოვმა ბრაზილიის ეკონომიკის მინისტრს, პაულო გუდესს წერილი მისწერა და „პოლიტიკური ბრალდებებისა“ და „დისკრიმინაციის მცდელობების“ თავიდან ასაცილებლად საერთაშორისო ფინანსურ ინსტიტუტებსა და მრავალმხრივ ფორუმებში მხარდაჭერა სთხოვა.
„კულუარებში მიმდინარეობს მუშაობა იმისთვის, რომ საერთაშორისო სავალუტო ფონდსა და მსოფლიო ბანკში რუსეთს გადაწყვეტილების მიღების უფლება შეუზღუდონ, ან საერთოდ შეუჩერონ. მოგეხსენებათ, რუსეთი ეკონომიკური და ფინანსური სირთულეების პერიოდს გადის, რომელიც გამოწვეულია შეერთებული შტატებისა და მისი მოკავშირეების მიერ დაწესებული სანქციებით,“- წერს მინისტრი სილუანოვი წერილში, რომელიც, Reuters-ის ცნობით, 30 მარტით თარიღდება.
წერილის შესახებ დასმული კითხვის საპასუხოდ, ბრაზილიის ეკონომიკის სამინისტროს წარმომადგენელმა, ერივალდო გომესმა განაცხადა, რომ ბრაზილიას სურს, რუსეთი მრავალმხრივ ორგანიზაციებში დისკუსიების მონაწილედ დარჩეს.
”ბრაზილიის თვალსაზრისით, ღია დიალოგის შენარჩუნება აუცილებელია. საერთაშორისო ორგანიზაციები ჩვენი ხიდებია და ჩვენი შეფასებით, ეს ხიდები უნდა შენარჩუნდეს,“- აღნიშნა ერივალდო გომესმა.
სიახლეები
- “გამოართვა თანხა და სცადა, მოტყუებით დაუფლებოდა 1800 ლარს” – სამსახურეობრივი მდგომარეობის გამოყენებით თაღლითობის ჩადენის ფაქტზე, ერთ პირს ბრალი წარედგინა
- “დონალდ ტრამპისა და ვლადიმერ პუტინის შეხვედრამ ყველა კითხვას გასცა პასუხი, რომ ეს იყო დასავლეთის და რუსეთის დაპირისპირება მესამე ქვეყნის ხელით და ამ ომში საქართველო არა თუ მოაზრებული, არამედ გეგმის ნაწილი იყო “ - მამუკა მდინარაძე
- “ტრამპი დიდი სიამოვნებით შესწირავდა უკრაინის და ევროპის ინტერესებსაც თავის მანიაკალურ სურვილს – ნობელის პრემია მიიღოს მშვიდობის დარგში” - მერაბ მეტრეველი
- ლიდერობის და შორსმჭვრეტელობის ინდექსით, საქართველოს ხელისუფლება ევროპის საუკეთესო ოცეულშია
- “ნათელი გახდა, თუ რაზე მოილაპარაკეს პუტინმა და ტრამპმა; ზელენსკი ამ კაპიტულანტურ მოთხოვნას არ დათანხმდება” - რომან გოცირიძე
