საქართველო მსოფლიო ტურიზმის ამომავალ ვარსკვლავად დასახელდა
Forbes-მა ტურიზმის ამომავალ ვარკვლავთა შვიდეულში ეთიოპიასთან, ირანთან, მიანმართან, ფილიპინებთან, სლოვენიასა და ტუნისთან ერთად საქართველოც შეიყვანა.
გავლენიანი გამოცემა Forbes-ი ავრცელებს სტატიას, სადაც საქართველო 6 ქვეყანასთან ერთად დასახელებულია, როგორც ტურიზმის ამომავალი ვარსკვლავი. სტატიაში ნათქვამია, რომ ამ შვიდმა ქვვეყანამ მოახერხა იქცეს მთავარ ტურისტულ მიმართულებებად კორონავირუსის შემდგომ მსოფლიოში.
„საქართველო, რომელიც ხშირად ეშლებათ ამერიკის „ატმების შტატში“ [Georgia], დამაჯერებლად მიიწევს წინ, რათა მოიპოვოს კავკასიის რეგიონის ერთ-ერთი ყველაზე იდილიური ტურისტული მიმართულების წოდება. დაიწყეთ თქვენი მოგზაურობა ქვეყნის დედაქალაქით - თბილისით, რომელიც გამოირჩევა ძველი უბნებით, სადაც უხვადაა მოკირწყლული ქუჩები, უძველესი ეკლესიები და რესტორნები მტკვრის გაყოლებაზე. საქართველოს ქალაქური ყოფა მართლაც საოცარია, თუმცა არ უნდა დაგვავიწყდეს არც ქვეყნის თვალწარმტაცი ბუნება: დასავლეთისკენ ბორცვებზე გადაჭიმული საძოვრები და იდილიური დასახლებები აუცილებელ სანახაობას წარმოადგენენ. ასევე არ დაგავიწყდეთ ქართული ღვინის დაჭაშნიკება. საქართველო ხომ მეღვინეობის ერთ-ერთი უძველესი რეგიონია მსოფლიოში - არსებული აღმოჩენები ცხადყოფს ქართული მეღვინეობის აყვავებას ჯერ კიდევ ძვ. წ. 6000 წელს“, - აღნიშნულია სტატიაში.
სიახლეები
- ზოგადი განათლების საფეხურებში ცვლილება ხორციელდება, რომლის მიღების შედეგადაც, სავალდებულო საბაზო განათლება 9 კლასის ნაცვლად, 10 კლასით განისაზღვრება
- ქათამი თაფლითა და ფორთოხლით
- მთავრობის დადგენილებით, ოჯახის სიწმინდისა და მშობლების პატივისცემის დღესთან დაკავშირებით, 17 მაისი უქმე დღედ გამოცხადდა
- შარლ მიშელი სალომე ზურაბიშვილთან და ირაკლი კობახიძესთან სატელეფონო საუბრის შესახებ ინფორმაციას ავრცელებს
- " ჩვენ არ ვართ კოლონია, დამოუკიდებელი სუვერენული სახელმწიფო ვართ - ევროპაში თავაწეული დავდივარ, რატომ უნდა წამომარტყას ვიღაცამ?" - კახა კალაძე