უკრაინის პრეზიდენტი ვოლოდიმირ ზელენსკი ყოველდღიურ ვიდეო მიმართვაში ომის დაწყებიდან რვა თვის შედეგებზე საუბრობს. მისი თქმით, 24 თებერვალს ამას ვერავინ წარმოიდგენდა, თუმცა ახლა უკრაინა ეტაპობრივად ათავისუფლებს უკრაინულ ტერიტორიებს და ასუსტებს რუსეთის პოტენციალს.
რუსეთის თავდაცვის მინისტრი სერგეი შოიგუ, რომელმაც აშშ-ის, საფრანგეთის, ბრიტანეთისა და თურქეთის თავდაცვის მინისტრებთან სატელეფონო საუბრის დროს განაცხადა, რომ უკრაინა „ბინძური ბომბის“ გამოყენებას გეგმავს, სავარაუდოდ, ცდილობდა შეენელებინა, ან შეეწყვიტა დასავლეთის სამხედრო დახმარება უკრაინის მიმართ, - ამის შესახებ ამერიკული „ომის შესწავლის ინსტიტუტის“ ანგარიშშია აღნიშნული.
ევროპაში ბირთვული იარაღის გამოყენება მხოლოდ ერთ სუბიექტს შეუძლია - რუსეთის პრეზიდენტ ვლადიმერ პუტინს და არა უკრაინას,- ამის შესახებ უკრაინის პრეზიდენტმა ვოლოდიმირ ზელენსკიმ ვიდეომიმართვაში განაცხადა.
გასული ღამის განმავლობაში უკრაინის საჰაერო თავდაცვის ძალებმა ირანული წარმოების 16 კამიკაძე-დრონი Shahed-136 ჩამოაგდეს. ამის შესახებ საჰაერო ძალების მეთაურობა ავრცელებს.
აშშ-ის ყოფილი პრეზიდენტი დონალდ ტრამპი კონგრესში 6 იანვრის კაპიტოლიუმის შტურმის საკითხზე მომუშავე საგამოძიებო კომიტეტის წინაშე ჩვენების მისაცემად მის დაბარებას ეხმაურება და ოპონენტებს პოლიტიკურ დევნაში სდებს ბრალს.
თუ აქამდე მხოლოდ საფუძვლიანი ვარაუდი არსებობდა, ამჯერად უკრაინის სამხედრო ხელმძღვანელობას ეჭვი აღარ ეპარება ბელარუსის ტერიტორიიდან რუსეთის განმეორებითი შეტევის სამზადისზე, რომლის საფრთხეს უკრაინის გენერალური შტაბი „გაზრდილს“ უწოდებს.
