მისივე თქმით, უმაღლეს საბჭოში ოპოზიციიდან მხოლოდ ერთმა პარტიამ მოახერხა ბარიერის გადალახვა და შევა თუ არა უმაღლეს საბჭოში „ნაციონალური მოძრაობა“, ამას პრინციპული მნიშვნელობა არ აქვს.

„უმაღლეს საბჭოში მმართველი პარტია საკონსტიტუციო უმრავლესობით არის წარმოდგენილი და სამართლებრივად იმუშავებს, ხვალ უმაღლესი საარჩევნო კომისიის შემაჯამებელი ოქმების ბოლო ვადაა და „ნაციონალურ მოძრაობის“ არც ერთ წევრს მანდატის დატოვებაზე არ მიუმართავს. არ ვიცი, დემოკარტიის განვითარებაში აჭარის „ნაცმოძრაობა“ რა როლს ითამაშებს, ჩვენ მაინც მოვუწოდებთ ყველას, რომ ის მანდატები გამოიყენონ, რაც მათ ხალხმა მიანიჭა, პოლიტიკაშიც და ცხოვრებაშიც წაგებასაც და მოგებასაც ღირსეულად უნდა შეხვდე“, – განაცხადა თორნიკე რიჟვაძემ.