„რესპუბლიკელებმა“ ელისაშვილის გზა აირჩიეს - ლევან ხაბეიშვილი
„ნაციონალური მოძრაობის“ წევრი ლევან ხაბეიშვილი აცხადებს, რომ „რესპუბლიკურმა პარტიამ“ ალეკო ელისაშვილის გზა აირჩია. ამის შესახებ მან საქართველოს პარლამენტთან განაცხადა.
როგორც ხაბეიშვილმა განაცხადა, არ ელოდებოდა, რომ ბლოკმა სხვა გადაწყვეტილება მიიღო, ხოლო პარტიამ სხვა.
„ბლოკმა მიიღო სხვა გადაწყვეტილება, პარტია „რესპუბლიკელებმა“, ჩემდა სამწუხაროდ, აირჩიეს ელისაშვილის გზა. მინდა, განვუმარტო საზოგადოებას, არ შეიძლება ადამიანების მოტყუება და საზოგადოების შეცდომაში შეყვანა, არ არის კარგი საქმე. მოლაპარაკებების გაგრძელება არ გაგრძელებასთან საპარლამენტო მანდატი არაფერ შუაში არ არის. ის, რომ ჩვენ მანდატებზე უარს ვამბობთ, არ ნიშნავს, რომ მოლაპარაკება არ გაგრძელდება. ამიტომ ტყუილია, ვწუხვარ, რომ ეს მოლაპარაკებებს უკავშირდება. არ უკავშირდება. გული დამწყდა, არ ველოდებოდი, რომ ბლოკმა სხვა გადაწყვეტილება მიიღო, პარტიამ სხვა გადაწყვეტილება. მინდა, საზოგადოებას ვუთხრა, დიდი მადლობა გადავუხადო ყველა ადამიანს, ვინც მიუხედავად ზეწოლისა, შანტაჟისა და მუქარისა, მოვიდა არჩევნებზე, ხმა მისცა ოპოზიციას, საბოლოო ჯამში, ყველამ ერთად გავიმარჯვეთ“, – განაცხადა ლევან ხაბეიშვილმა.
სიახლეები
- "სანქციები რომ დააკისრონ ქვეყანას და ხალხს, ეს მიდგომა არასწორია"- ირაკლი ღარიბაშვილი
- "თურქეთი საქართველოს ევროატლანტიკურ სივრცეში გაწევრიანების მომხრედ რჩება და როგორც ადრე, ახლაც ისტორიის სწორ მხარეს დგას"
- პრეზიდენტმა „უცხოური გავლენის გამჭვირვალობის შესახებ” კანონს ვეტო დაადო
- "გავიგე, რომ ნატა ფერაძეს ოჯახთან ერთად მოუწია ქვეყნის დატოვება, რადგან დაჭერას უპირებდნენ სახელმწიფო გადატრიალების ბრალდებით"
- "პრეზიდენტად წოდებულს, ქალბატონს, რომ არ აინტერესებს კონსტიტუცია, ქვეყნის ინტერესები, ცხადი" - ირაკლი ღარიბაშვილი