კითხვაზე, თუ როგორ იქნება დაკომპლექტებული საპარლამენტო არჩევნების შემსწავლელი საგამოძიებო კომისია ირაკლი კობახიძე დასძენს: „მანამდე შემოვლენ ოპოზიციური პარტიები პარლამენტში და ერთობლივად, ნახევარი ურმავლესობა უნდა იყოს, ნახევარი ოპოზიცია და ამ ფორმით ჩამოყალიბდება კომისია. იმ ოპოზიციაში ყველა არ არის მიხეილ სააკაშვილის, ნიკა გვარამიას, გიგა ბოკერიას და უგულავასნაირი. არიან განსხავებული პოლიტიკოსები და ისინი შემოვლენ პარლამენტში“,-განაცხადა კობახიძემ.

მისივე თქმით, საპარლამენტო არჩევნების შემსწავლელი საგამოძიებო კომისია ყველა საკითხს შეისწავლის, რაც არჩევნებს უკავშირდება.

„ჩვენ გავაკეთეთ განცხადება და გამოვთქვით მზადყოფნა საგამოძიებო კომისიასთან დაკავშირებით. მათ შორის, შეგვიძლია შევთავაზოთ პარტიონრებს რომ თუნდაც ეს უხეში ხარვეზი იყოს გამოძიებული საპარლამენტო საგამოძიებო კომისიის მუშაობის ფარგლებში, რა თქმა უნდა PVT-საც და ყველა სხვა საკითხსაც, რომელიც უკავშირდება არჩევნებს საგამოძიებო კომისია შეისწავლის“,-აცხადებს კობახიძე.

ცნობისთვის, „სამართლიანი არჩევნები“ (ISFED) 2020 წლის 31 ოქტომბრის არჩევნების საბოლოო შედეგების დაზუსტებულ ინფორმაციას აქვეყნებს. მათი ინფორმაციით, გამოვლინდა ხარვეზი საარჩევნო სუბიექტების მიერ მიღებული ხმების გამოსათვლელ ფორმულაში. გასწორების შედეგად, საარჩევნო სუბიექტების მიერ მიღებული ხმების პროცენტული რაოდენობა უმნიშვნელოდ შეიცვალა. აღნიშნული სხვაობა გავლენას არ ახდენს არცერთი საარჩევნო სუბიექტის მიერ მიღებული მანდატების რაოდენობაზე. „სამართლიანი არჩევნების“ (ISFED) 2020 წლის 31 ოქტომბრის არჩევნების დღის საბოლოო შედეგების დაზუსტებული ინფორმაციით, "ქართული ოცნება - დემოკრატიულ საქართველოს" ხმების 47.6% აქვს.