"ძალაუნებურად გაიყოფა გზები, მეგობრებად დავრჩებით" - თაკო ჩარკვიანი
„სტრატეგია აღმაშენებლის“ წევრის, თაკო ჩარკვიანის განცხადებით, ევროპული საბჭოს პრეზიდენტ შარლ მიშელის მიერ პარტიებისთვის შეთავაზებული ბოლო დოკუმენტი ხელს ვერ უწყობს ძირეულ ცვლილებებს.
"მე გავეცანი კარგად ამ დოკუმენტს. ჩემი აზრით, ეს არის საჭურისი დოკუმენტი, რომელიც ხელს ვერ უწყობს ძირეულ ცვლილებებს, მართლმსაჯულებას, ეს დოკუმენტი სამომავლოდ უვარგისია იქ, სადაც ჟვანია რჩება, სიტყვაც კი არ წერია ჟვანიასთან დაკავშირებით, სადაც საარჩევნო სისტემის ცვლილება არ არის, არ ჩანს, ვინ გადათვლის და სიტყვაზე ვენდოთ? სიტყვაზე როგორ უნდა ენდო, როცა დოკუმენტი დგება", - განაცხადა ჩარკვიანმა.
კითხვას, გიორგი ვაშაძის მიერ დოკუმენტის ხელმოწერის შემთხვევაში, რჩება თუ არა თაკო ჩარკვიანი გაერთიანებაში, პასუხობს, რომ ასეთ შემთხვევაში მათი გზები გაიყოფა.
"ბუნებრივია, ჩვენ დავრჩებით მეგობრებად, თუმცა მე ვიტოვებ რაღაცა პროცენტს, რადგან მაინც მინდა, კვლავ გადახედოს.
რაღაცნაირად მენანება ეს პოლიტიკოსი, სამომავლოდ უფრო ვხედავ მას, რა თქმა უნდა, ძალაუნებურად გაიყოფა გზები, მეგობრებად დავრჩებით", - აღნიშნა თაკო ჩარკვიანმა.
სიახლეები
- ,,ველი კიდევ 3 წელს, 16 წელი მექნება სასჯელი - სერიულ მკვლელებს და პედოფილებს უსჯიან ამდენს"- მიხეილ სააკაშვილი
- ,,სხვას რომ ხმა ამოეღო, ჩემი შვილი არ მოკვდებოდა" - გიგა ავალიანის დედა პროკურატურის განცხადებას ეხმაურება
- ,,ჩვენი ქვეყანა ღიაა იმისათვის, რომ სუფთა ფურცლიდან მოხდეს საქართველოს და ამერიკის შეერთებულ შტატებს შორის ურთიერთობის დაწყება"- ზვიად შალამბერიძე
- ,,ჩვენი და ამერიკის თანხვედრა ღირებულებით ნაწილში, მსოფლმხედველობით ნაწილში, პოლიტიკურ ჭრილს ვგულისხმობ, ერთი-ერთში ემთხვევა”
- ,,როგორც ჩანს, ქალბატონმა ფონ დერ ლაიენმა, როგორც იქნა, რუკას დახედა და გაათვითცნობიერა ის, რომ საქართველო მართლაც საკვანძო ადგილზე იმყოფება” – ლევან მაჭავარიანი
