ევროკავშირი მზადაა, აქტიური მონაწილეობა მიიღოს სამხრეთ კავკასიის პრობლემების მოგვარებაში - შარლ მიშელი
ევროკავშირი მზადაა, უფრო აქტიურად ჩაერთოს სამხრეთ კავკასიის პრობლემების მოგვარებაში და განამტკიცოს კავშირები ამ რეგიონთან.
ამის შესახებ ევროპული საბჭოს პრეზიდენტმა ერევანში გამართულ პრესკონფერენციაზე განაცხადა.
შარლ მიშელის თქმით, ევროკავშირი ეხმარება ეუთო-ს "მინსკის ჯგუფს" მთიანი ყარაბაღის რეგიონის კონფლიქტის მოგვარების საკითხში.
"ევროკავშირს სურს, მეტად ჩაერთოს რეგიონში, გააძლიეროს კავშირები რეგიონის ქვეყნებთან და შეასრულოს შესაბამისი სამუშაოები "აღმოსავლეთ პარტნიორობის" სამიტის მოსამზადებლად. მოგიწოდებთ, გააგრძელოთ მუშაობა რეგიონში სტაბილურობისა და კეთილდღეობის მისაღწევად. იმედი გვაქვს, მოხერხდება სამხედრო ტყვეების საკითხის მოგვარება, დანაღმული ტერიტორიების შესახებ რუკების გადაცემა და საზღვრების დელიმიტაცია-დემარკაცია. იმედი გვაქვს, მოლაპარაკებების საშუალებით შესაძლებელი გახდება საუბარი თანამშრომლობის საკითხებზე, სატრანსპორტო კომუნიკაციებზე, რაც ხელს შეუწყობს ეკონომიკურ განვითარებას. სამშვიდობო მოლაპარაკებები მნიშვნელოვანია. ევროკავშირი მზადაა, იყოს ახლოს და იყოს კონსტრუქციული პარტნიორი პრობლემური საკითხების გადასაჭრელად და დემოკრატიული ღირებულებების პოპულარიზაციისთვის", - განაცხადა შარლ მიშელმა ნიკოლ ფაშინიანთან შეხვედრის შემდეგ გამართულ პრესკონფერენციაზე.
სიახლეები
- "თუ არ ხევ მანდატს და არ გადიხარ, ე.ი. პარლამენტის ლეგიტიმურობას აღიარებ?" - ვახტანგ ძაბირაძე
- "ხალხო, შევწყვიტოთ „ბალერინკობის“ თამაში, „ტროტუარზე არ ავიდეთ“, „სკამზე არ ავიდეთ“, მუდმივად ვიმეორებთ „კანონის ფარგლებში“, რომელი კანონის ფარგლებში, რომელიც აღარ არსებობს?! - საჭიროა სიმტკიცე, მიწოლა! " - მიხეილ სააკაშვილი
- მსხვერპლი მოჰყვა უკრაინის ქალაქ სუმიზე რუსული დრონებით შეტევას
- "მათ არაფერი აკავშირებთ ამ ქვეყანასთან და არაფერი რომ არ აკავშირებთ, იმიტომაც იღებენ პასუხს ქუჩაში მათივე მხარდამჭერებისგან"- შალვა პაპუაშვილი ოპოზიციაზე
- "დღევანდელი ოპოზიცია, ის ოთხეული, რომელმაც ბარიერი გადალახა არა ამომრჩევლის, რამედ უცხოელი პატრონების ნებას წარმოადგენს" - შალვა პაპუაშვილი
