მისი განცხადებით პარტიის პოზიციაა, დადგინდეს დამნაშავეების ვინაობა და მათი ბრალეულობის ხარისხი და ამის შემდეგ დადგეს დღის წესრიგში მათი პასუხისმგებლობის საკითხი. 

“ჩვენ დღეს ვიძახით, რომ არის არაფორმალური მმართველობა და არ ვიცით, ვინ ღებულობს გადაწყვეტილებას და მეორე – დღეს აპრიორი ვითხოვთ შინაგან საქმეთა მინისტრის ან ვინმეს გადადგომას, მაშინ როცა წინ ნათქვამი გვაქვს, რომ არ ვიცით, ვინ იღებს გადაწყვეტილებას. 

ჩემი აზრით, ეს არის მსხვერპლის მოთხოვნა, ასევე არა დამნაშავის დასჯა და მისგან პასუხისმგებლობის აღება, არამედ მსხვერპლის მოთხოვნა და ამას კიდევ უფრო მეტად აძლიერებს ის, რომ გადადგომაა მოთხოვნილი. თუ დამნაშავეა ხალხი და მათ ვუყურებთ, როგორც სისხლის სამართლის დამნაშავეებს, მაშინ გადადგომა რატომ არის საკმარისი, მაშინ ხომ სხვა რამ უნდა მოვითხოვოთ? აქედან გამომდინარე, ჩვენ უბრალოდ გვინდა გავარკვიოთ ჯერ ამბავი და მერე ვარჩიოთ მტყუან-მართალი, ვინ მიიღო ამასთან დაკავშირებით გადაწყვეტილება", - განაცხადა იაგო ხვიჩიამ.