"პარიკმახერი" 1 დღეში შემოუშვეს ჩემთან, პირად ექიმს 5 კვირაა არ უშვებენ" - მიხეილ სააკაშვილი
პატიმრობაში მყოფმა საქართველოს მესამე პრეზიდენტმა მიხეილ სააკაშვილმა "ქართული ოცნების" დამფუძნებელს, ბიძინა ივანიშვილს მიმართა სასამართლოს სხდომიდან, რომელზეც განიხილება სისხლის სამართლის საქმე მის წინააღმდეგ, სახელმწიფო საზღვრის უკანონო კვეთის ბრალდებით. სააკაშვილი ითხოვს მასთან შევიდნენ ექიმები. მისთვის მიცემული რამდენიმე წუთი მან ბრალდებულისთვის გამოყოფილი ადგილიდან ამ მიმართვისთვის გამოიყენა.
"მე თუ ხედავთ, ახალი შეკრეჭილი ვარ, გუშინწინ გამოვიძახე ციხეში სტილისტი, გუშინ მოვიდა და გამკრიჭა. 5 კვირაა, ჩემი ნიუ იორკიდან ჩამოსული ექიმი, ყიფშიძე, ყოველდღე წერს განცხადებას, რომ შემოუშვან ჩემთან. "პარიკმახერი" შემოუშვეს ერთ დღეში, ივანიშვილის ძალებით უკვე ხუთი კვირაა, ჩემთან არ უშვებენ ექიმებს. ეს იმ პირობებში, როდესაც მაქვს ძალიან ძლიერი სისუსტე, როდესაც მაქვს სერიოზული პრობლემები ჰიპერტონიასთან დაკავშირებით, მაქვს ძლიერი ანემია და ბევრი სხვა პროცესები", - თქვა სააკაშვილმა.
სიახლეები
- "ეს ომი კი სულ უფრო და უფრო ემსგავსება დაუნდობელ სისხლსიმღვრელ დაპირისპირებას, ფაქტობრივად, III მსოფლიო ომის გახურებული ფაზის ეტაპია"
- გარემოს ეროვნული სააგენტო მოსალოდნელი ამინდის შესახებ ინფორმაციას ავრცელებს
- "პირდაპირ შეგვიძლია ვთქვათ, მომავალში ბირთვული იარაღის წარმოება გაგრძელდება - ტრამპმა, რომელიც მშვიდობისმყოფელ პრეზიდენტად მოვიდა, აშშ-სთვის ახალი ომი დაიწყო"
- "დღეს განსაკუთრებით ვთხოვოთ ათონელ წმინდა მამებს, ილოცონ ჩვენთვის, რომ მოვიპოვოთ გამბედაობა და დიდი სიმტკიცე ქრისტეს შედგომისა"
- "აშშ-მა ირანის წინააღმდეგ სახიფათო ომი დაიწყო" - ირანის საგარეო უწყება
