"სალომე ზურაბიშვილმა, როგორც საერთო ოპოზიციურმა საპრეზიდენტო კანდიდატმა, უნდა დაიწყოს საპრეზიდენტო კამპანია, რომელიც ოპოზიციურ ფლანგს ახალ დინამიკას მისცემს"
ოპოზიციის გამსხვილების პროცესი ძალიან კარგია. ოთხი პოლიტიკური ბლოკის შემკვრელი სტრუქტურა გამოიკვეთა. ეს უკეთესია, ვიდრე მეტი დაქსაქსულობა, თუმცა ოპოზიციური ფლანგის მეტი გამსხვილება კიდევ უფრო უკეთესი იქნება, – ამის შესახებ ოპოზიციონერმა დეპუტატმა, რომან გოცირიძემ განაცხადა.
მისივე თქმით, უკეთესი იქნება, თუ ოპოზიციური ფლანგი ორი დიდი კოალიციის შეკვრას მოახერხებს.
„ჯერ არის დრო და თითოეულ ბლოკს შეუძლია, გარეთ დარჩენილი პარტიებით, პოლიტიკური ჯგუფებით და ცალკეული პოლიტიკურად აქტიური პირებით გაძლიერდნენ. არ უნდა მოხდეს, რომ გარეთ დარჩეს რომელიმე პარტია, რომელსაც თუნდაც ნახევარპროცენტიანი მხარდაჭერა აქვს. ერთმა ან ორმა პროცენტმა შეიძლება, ბევრი რამ გადაწყვიტოს. სალომე ზურაბიშვილმა, როგორც საერთო ოპოზიციურმა საპრეზიდენტო კანდიდატმა, საპრეზიდენტო კამპანია უნდა დაიწყოს. საპრეზიდენტო კამპანია ოპოზიციურ ფლანგს ახალ დინამიკას მისცემს. სალომე ზურაბიშვილის საარჩევნო პროცესში იმ პროგრამით მონაწილეობა, რაც ქარტიაშია გაწერილი, ოპოზიციურ ფლანგზე, შეიძლება, მეტი სიცოცხლის შემომტანი აღმოჩნდეს“, – განაცხადა რომან გოცირიძემ.
სიახლეები
- "ტრამპმა უნდა იცოდეს, რომ მსოფლიო ტირანები, როგორებიც არიან ფარაონი, ნიმროდი, რეზა შაჰი და მოჰამედ რეზა, თავიანთი ამპარტავნების პიკზე ჩამოაგდეს. მასაც ჩამოაგდებენ“ - აიათოლა ალი ხამენეი
- "ევროპასა და რუსეთს შორის პირდაპირი მოლაპარაკებების წინააღმდეგი არ ვარ" - ვოლოდიმირ ზელენსკი
- შსს-მ ჭიათურაში პოლიციელზე ჯგუფურად თავდასხმის ბრალდებით ოთხი პირი დააკავა
- აშშ-ის „ეროვნული უსაფრთხოების არქივი“ 2002 წელს ბუშისა და პუტინის კიდევ ერთ საუბარს აქვეყნებს, სადაც საქართველოზე, კერძოდ, პანკისის ხეობაზეც არის საუბარი
- "უმადურო პუტინი ანუ ვიწროვდება თუ არა წრე რუსეთის გარშემო?!" - გია ხუხაშვილი
