"ვერ ეგუებიან, რომ საქართველო გახდა მთელს რეგიონში ერთ-ერთი ყველაზე ანგარიშგასაწევი ძალა"- მდინარაძე – ოპოზიციაზე
„ერთ-ერთი მთავარი ლეგიტიმაცია გვაქვს, იმაზე, რომ ამ არჩევნების შედეგებიდან გამომდინარე, დიახ, ამ ქვეყანაში კაცს ერქმევა კაცი და ქალს ერქმევა ქალი და ეს ვერ გახდება სასაცილო ამბავი ვერასდროს“, – ამის შესახებ ფრაქცია „ქართული ოცნების“ თავმჯდომარემ, მამუკა მდინარაძემ განაცხადა.
მდინარაძის თქმით, ოპოზიცია ვერ ეგუება, რომ საქართველო მთელს რეგიონში ერთ-ერთი ყველაზე ანგარიშგასაწევი ძალა გახდა.
„რას ვერ ეგუებიან, ვერ ეგუებიან იმას, რომ ქართველმა ხალხმა გაზაფხულის აქციების შემდეგ, როცა ისინი ქართველი ხალხის სახელით ლაპარაკობდნენ, თქვა, რომ დიახ, გამჭვირვალობა არის ქართული საქმე. ამ კანონზე ქართველმა ხალხმა 26 ოქტომბერს თავისი არჩევანით მხარი დაუჭირა იმას, რომ დიახ მას სურს იცოდეს ვინ აფინანსებს კონკრეტულ ენჯეო სექტორს, მედიასაშუალებებს ქვეყნის გარეთ.
და ვერ ეგუებიან კიდევ ერთ მთავარ ამბავს, რომ საქართველო გახდა მთელს რეგიონში ერთ-ერთი ყველაზე ანგარიშგასაწევი ძალა, რომელმაც თავისი დამოუკიდებლობის ხარისხით, ჩაურევლობის გარანტიებით და ეროვნული ინტერესების გატარებით თქვა, რომ დიახ, ჩვენ ამ ეროვნულ, თავისუფალ, დამოუკიდებელ პოლიტიკას გავატარებთ“, – განაცხადა მამუკა მდინარაძემ.
სიახლეები
- “მიმდინარე გამოძიების ფარგლებში – მოწმის სახით დაბარებულ იქნა ვახტანგ გომელაური, რომელიც, 2019 წლის აგვისტოს მდგომარეობით, იკავებდა სუსის უფროსის პოზიციას” – პროკურატურა განცხადებას ავრცელებს
- გონიოში მომხდარ ავარიას 3 ადამიანის სიცოცხლე ემსხვერპლა
- “ისრაელის მიერ თეირანში საცხოვრებელ შენობაზე მიტანილი იერიშის შედეგად 60 ადამიანი დაიღუპა, მათ შორის 20 ბავშვია” - უცხოური მედია
- საქართველოს ინფრასტრუქტურის მინისტრმა რევაზ სოხაძემ, ადგილობრივი და ცენტრალური ხელისუფლების წარმომადგენლებთან ერთად, ქუთაისში მდებარე პარლამენტის ყოფილი შენობის მიმდებარე ტერიტორია მოინახულა
- იმერეთში დიდი ოდენობით ნარკოტიკი ამოიღეს
