"ევროპელი პოლიტიკოსების, თუ დიპლომატების მიერ ძალადობრივი აქციის მშვიდობიანად წარმოჩენა მხოლოდ ახალისებს აქციის მონაწილეთა ახალ ძალადობას"
ევროპელი პოლიტიკოსების თუ დიპლომატების მიერ ძალადობრივი აქციის მშვიდობიანად წარმოჩენა მხოლოდ ახალისებს აქციის მონაწილეთა ახალ ძალადობას, – ამის შესახებ საქართველოს პარლამენტის თავმჯდომარემ, შალვა პაპუაშვილმა განაცხადა.
„მსურს, აღვნიშნო ამერიკის სახელმწიფო დეპარტამენტის გუშინდელი განცხადება, სადაც, როგორც იქნა, დავინახეთ მოწოდება დემონსტრანტების მიმართ, რომ შეინარჩუნონ აქციის მშვიდობიანი ხასიათი. ეს მცირე ნიშანი ერთგვარად დამაიმედებელია, რომ უახლოეს მომავალში დავინახავთ ევროპელი აქტორების მიერ გაზიარებულ იმავე პოზიციას“, – განაცხადა პაპუაშვილმა.
შალვა პაპუაშვილი ამბობს, რომ შეკრებისა და მანიფესტაციის თავისუფლება საქართველოში დაცულია.
„ნებისმიერი მასშტაბისა და ნებისმიერი ხანგრძლივობის აქცია და პროტესტი დაცულია კანონით, თუკი იგი ატარებს მშვიდობიან ხასიათს“, – აღნიშნა შალვა პაპუაშვილმა.
სიახლეები
- ცესკოს თავმჯდომარემ საერთაშორისო ორგანიზაციებისა და დიპლომატიური კორპუსის წარმომადგენლებს მიმდინარე საარჩევნო საკითხები გააცნო
- საარჩევნო ადმინისტრაციამ ახალი პროექტი „საარჩევნო მედია სკოლა“ დაიწყო
- ქვეყნის მასშტაბით 207 საარჩევნო უბანზე იმიტირებული კენჭისყრა ჩატარდა
- საარჩევნო ადმინისტრაციის მორიგი სამუშაო შეხვედრა მედიის წარმომადგენლებთან
- აფხაზეთიდან დევნილებს ქუთაისში უფასო სამედიცინო გამოკვლევები ჩაუტარდათ
