,,მინდა საჯაროდ გავაკეთო განმარტება ჩემს მიერ მიღებული გადაწყვეტილების შესახებ - მივდივარ პოლიტიკიდან"- თამარ კორძაია
,,მინდა საჯაროდ გავაკეთო განმარტება ჩემს მიერ მიღებული გადაწყვეტილების შესახებ - მივდივარ პოლიტიკიდან.
2013 წელს დავიწყე პოლიტიკური საქმიანობა და ეს იყო ჩემი ცხოვრების ძალიან საინტერესო პერიოდი. მუდმივად ვცდილობდი ვყოფილიყავი ქვეყნის ინტერესების, საქართველოს კონსტიტუციისა და ადამიანის უფლებების დამცველი. ზოგჯერ გამომდიოდა, ზოგჯერ - არა. მაგრამ ერთი რამე ნამდვილად შემიძლია დაბეჯითებით ვთქვა, ყველა გადაწყეტილება ამ სამი მთავარი ღირებულებით იყო ნაკარნახევი. ბევრი კრიტიკა მიმიღია, მაგრამ ყველაზე მეტად მაინც თანადგომა და მხარდაჭერა მახსოვს და მადლობა ყველა იმ ადამიანს, რომელიც ამას მაგრძნობინებდა.
მადლობა ყველა იმ ადამიანს, ვისთან ერთადაც ვიბრძოდი. ცხოვრება ღირს ამ გამოცდილებად. საკმაოდ ბევრი ფიქრის შემდეგ მივედი გადაწყვეტილებამდე, რომ შევწყვიტო პოლიტიკური საქმიანობა. რთულია, ვიცი ამასაც არაერთგვაროვანი შეფასება მოყვება, ესეც გასაგებია.
ვრჩები აქტიურ მოქალაქედ და ქვეყნის ევროპული მომავლისთვის მებრძოლ ადამიანად" - დაწერა რესპუბლიკური პარტიის ყოფილმა წევრმა და 2024 წლის არჩევნებზე ერთიანობა-ნაციონალური მოძრაობის სიის მე-9 ნომერმა, თამარ კორძაიამ.
სიახლეები
- სამარხვო საცივი
- 20-მდე გაიზარდა უკრაინის დნეპროპეტროვსკის ოლქზე სარაკეტო შეტევის შედეგად დაღუპულთა რიცხვი
- ნატოს ლიდერები ჩრდილოატლანტიკური საბჭოს სხდომას გამართავენ
- “რუსეთი ნატოს ტერიტორიაზე სამხედრო ოპერაციებს გეგმავს” - ზელენსკი
- ისრაელში საქართველოს საელჩო, ისრაელის საჰაერო სივრცის გახსნასთან დაკავშირებით განცხადებას ავრცელებს
