ზარქუას თქმით, იმ პროექტებში, რომლებიც საზოგადოებას ემსახურებოდა, რომ არ გაჩერდეს, ამ მიზნით, „ქართულ ოცნებას“ „გრანტების შესახებ“ კანონში ცვლილება შეაქვს.

„ის პროგრამები, რომელიც ქართულ საზოგადოებას კეთილსინდისიერად ემსახურებოდა, მაგალითად იყო რეგიონებში ხალხის ჩართულობა, სოფლის მეურნეობის პროექტები, მათ შორის, რეგიონებში არის მთელი რიგი ინიციატივები, რომელიც სოფელს სჭირდება, ეს პროექტები რომ არ გაჩერდეს, ჩვენ შეგვაქვს ცვლილება „გრანტების შესახებ“ კანონში და შესაბამისად, გვექნება ობიექტური, სამართლიანი, საქმეზე ორიენტირებული ურთიერთობა არასამთავრობო სექტორთან“- აღნიშნავს ზარქუა.

დეპუტატი აცხადებს, რომ დაფინანსება შეეხება იმ არასამთავრობო ორგანიზაციებს, რომლებიც საქმეზე იქნებიან ორიენტირებული.

„ის, ვინც საქმის გამკეთებელია, რომელსაც აქვს წარსული, რომელიც მთელი პერიოდის განმავლობაში მუშაობდა, მათ შორის, ახალი ორგანიზაციები, რომელიც შეიქმნება და დავრწმუნდებით, რომ საქმეზე არიან აქცენტირებული და ნამდვილად სჭირდებათ იმ სოფელში, იმ რეგიონში. ეს არ იქნება ცალმხრივად გადაწყვეტა. იქნება გარკვეული კომისია, რომელიც შეარჩევს, შეაჯერებს, ანალიზს გააკეთებს და შესაბამისად [იქნება] სამართლიანი დაფინანსება“.- განაცხადა ირაკლი ზარქუამ.