“საზოგადოებას ახსოვს, რომ 2008 წლის ომის დაწყებამდე „ნაციონალური მოძრაობის“ რეჟიმმა სისხლის სამართლის კოდექსიდან გააქრო სახელმწიფოს ღალატის, იგივე სამშობლოს ღალატის მუხლი” – მათიკაშვილი
“საზოგადოებას ახსოვს, რომ 2008 წლის ომის დაწყებამდე „ნაციონალური მოძრაობის“ რეჟიმმა სისხლის სამართლის კოდექსიდან გააქრო სახელმწიფოს ღალატის, იგივე სამშობლოს ღალატის მუხლი”, – ამის შესახებ პარლამენტის საპროცედურო საკითხთა კომიტეტის თავმჯდომარემ, დავით მათიკაშვილმა საქართველოს სისხლის სამართლის კოდექსში სამშობლოს ღალატის მუხლის აღდგენაზე საუბრისას განაცხადა.
„ეს დღევანდელი გადასახედით არის აბსოლუტურად გასაგები, რადგანაც ეს რეჟიმი პირდაპირი მნიშვნელობით აპირებდა საკუთარი ქვეყნის ღალატს. რაც პრინციპში მანამდეც ჩაუდენია, თუმცა 2008 წლის მოვლენები ამ მოცემულობის მკაფიო ხაზგასმაა. ომის შემდგომ მნიშვნელოვანი ენერგეტიკული ობიექტების მიყიდვა რუსეთისთვის და არა ერთი. სისხლის სამართლის კოდექსში აღდგება სამშობლოს ღალატის მუხლი, იქნება კონკრეტული დისპოზიცია“, – აღნიშნა მათიკაშვილმა.
ცნობისთვის, სისხლის სამართლის კოდექსში ნაციონალური მოძრაობის მიერ გაუქმებული „სამშობლოს ღალატის” მუხლი აღდგება.
სიახლეები
- “ეუთო/ოდირი დააშინა ბულინგმა, რომელიც საპარლამენტო არჩევნების შემდეგ მათზე განხორციელდა და ვფიქრობ, ეს გახდა ჩამოსვლაზე მათი უარის მიზეზი” - დიმიტრი ხუნდაძე
- ელენე ხოშტარია იზოლატორში მისულ უფლებადამცველს არ შეხვდა
- ზურაბ ზვიადაური ცეცხლსასროლი იარაღის უკანონო შენახვა-ტარების ბრალდებით დააკავეს
- არსებული ინფორმაციით, ფინანსთა სამინისტროს საგამოძიებო სამსახურის მიერ, ალკოჰოლისა და უაქციზო სიგარეტის არალეგალური წარმოების ბრალდებით დაკავებულ 7 პირს შორის ერთ-ერთი ყოფილი მოკრივე გიორგი კანდელაკია
- “ორი ქვეყნის ლაბორატორიების დასკვნით, ალექსეი მოკლეს, უფრო კონკრეტულად, მოწამლეს” - იულია ნავალნაია
