"„რატომ არ გააფრთხილეს მოსახლეობა“ – როდესაც რუსეთის ფედერაციას დემონსტრაციულად გაჰყავდა მოსახლეობა, სრული შთაბეჭდილება შეიქმნებოდა, რომ ჩვენც ომისთვის ვემზადებით და გაგვყავს მოსახლეობა "- პოლიტიკა გრიგოლ ვაშაძე თეა წულუკიანის კითხვაზე
2003-2012 წლებში მოქმედი რეჟიმისა და რეჟიმის პოლიტიკური თანამდებობის პირების საქმიანობის შემსწავლელ დროებით საგამოძიებო კომისიის სხდომაზე, სადაც 2004-2008 წლებში საქართველოს ოკუპირებულ ტერიტორიებზე შექმნილ ვითარებას და 2008 წლის აგვისტოს ომის მოვლენებს განიხილავენ, „ნაციონალური მოძრაობის“ პერიოდში საგარეო საქმეთა მინისტრის მოადგილემ, გრიგოლ ვაშაძემ კომისიის თავმჯდომარის, თეა წულუკიანის კითხვას უპასუხა, თუ „რატომ არ გააფრთხილეს მოსახლეობა, რომელიც აღმოჩნდა მახეში?“
რაც შეეხება მოსახლეობის გაფრთხილებას, როგორც გრიგოლ ვაშაძემ განაცხადა, ეს მისი პირდაპირი ფუნქცია არ ყოფილა. მანვე აღნიშნა, რომ რამდენჯერმე ეს საკითხი უშიშროების საბჭოზე ახსენა და უთხრეს, რომ ამას მიხედავდნენ.
„ეს ჩემი პირდაპირი ფუნქცია არ იყო. რამდენჯერმე ეს საკითხი უშიშროების საბჭოზე ვახსენე და მითხრეს, რომ ამას მივხედავთო. საქართველო ყველაფერს აკეთებდა იმისათვის, რომ ომი არ დაწყებულიყო და მაშინ, როდესაც რუსეთის ფედერაციას დემონსტრაციულად გაჰყავდა მოსახლეობა, სრული შთაბეჭდილება შეიქმნებოდა, რომ ჩვენც ომისთვის ვემზადებით და გაგვყავს მოსახლეობა – ეს ერთ-ერთი მოსაზრება იყო, რომელიც მაშინ გამოითქვა“-აღნიშნა გრიგოლ ვაშაძემ
სიახლეები
- “ეუთო/ოდირი დააშინა ბულინგმა, რომელიც საპარლამენტო არჩევნების შემდეგ მათზე განხორციელდა და ვფიქრობ, ეს გახდა ჩამოსვლაზე მათი უარის მიზეზი” - დიმიტრი ხუნდაძე
- ელენე ხოშტარია იზოლატორში მისულ უფლებადამცველს არ შეხვდა
- ზურაბ ზვიადაური ცეცხლსასროლი იარაღის უკანონო შენახვა-ტარების ბრალდებით დააკავეს
- არსებული ინფორმაციით, ფინანსთა სამინისტროს საგამოძიებო სამსახურის მიერ, ალკოჰოლისა და უაქციზო სიგარეტის არალეგალური წარმოების ბრალდებით დაკავებულ 7 პირს შორის ერთ-ერთი ყოფილი მოკრივე გიორგი კანდელაკია
- “ორი ქვეყნის ლაბორატორიების დასკვნით, ალექსეი მოკლეს, უფრო კონკრეტულად, მოწამლეს” - იულია ნავალნაია
