April 4, 2025

"ელენე ხოშტარია გააშიშვლეს, უკან შეუკრეს ხელები" - ნიკა გვარამია

ელენე გააშიშვლეს, უკან შეუკრეს ხელები და ასე ჩვეულებრივ ოთახში, ჩვეულებრივ საწოლზე, გაშიშვლებული ქალი, პოლიტიკოსი ეწვათ საკმაო ხანს და მეტალოდეტექტორს ატარებდნენ შიშველ სხეულზე, - ამის შესახებ კოალიცია „ცვლილებისთვის“ ერთ-ერთმა ლიდერმა ნიკა გვარამიამ განაცხადა.

რაც შეეხება შსს-ს მიერ გავრცელებულ ინფორმაციას, რომ ელენე ხოშტარიას სავარაუდოდ კანონსაწინააღმდეგო ნივთიერება უპოვეს, რასაც ექსპერტიზა უტარდება, გვარამია აღნიშნულზე ამბობს, რომ ეს ამბავი შსს-მ მოიგონა, რადგან ხოშტარიას გაშიშვლება გაამართლონ, თითქოს ნარკოტიკს ეძებდნენ.

გარდა ამისა, გვარამიას ინფორმაციით, დაკავების შემდეგ ელენე ხოშტარიას წნევის კრიზი ჰქონდა, თუმცა, წამლები ამ დრომდე არ მიუწოდებიათ.

„ელენე გააშიშვლეს ბოლომდე, უკან შეუკრეს ხელები და ასე ჩვეულებრივ ოთახში, ჩვეულებრივ საწოლზე, გაშიშვლებული ქალი, პოლიტიკოსი ეწვათ საკმაო ხანს და მეტალო დეტექტორს ატარებდნენ შიშველ სხეულზე დიდი ხნის განმავლობაში. შემთხვევით, ხომ არ იცით, მეტალოდეტექტორით სხეულზე რა უნდა იპოვო? წამალს რაც შეეხება, ეს ამბავი, რაც ახლა მათ მოიგონეს, არის იმისთვის, რომ ეს გაშიშვლება და რაღაცის ძებნა გაამართლონ რომ ვითომ, ნარკოტიკი გვეგონა, ნარკოტიკს ვეძებდითო და ასე შემდეგ, ოღონდ მეტალოდეტექტორით ნაპოვნი ნარკოტიკი არ ვიცი, როგორია. რაც შეეხება წამალს, ელენეს ჯანმრთელობის მდგომარეობა ბოლო წლების განმავლობაში საზოგადოებამაც იცის ალბათ, რომ სრულყოფილი არ არის, მას ყოველთვის ბევრი წამალი აქვს თან, ეს წამლებიც არ მისცეს, მას წნევის კრიზი ჰქონდა, როცა მოიყვანეს, მაშინაც წნევის კრიზი ჰქონდა და ამ დროს, ღებინების რეფლექსი ირთვება, უთხრეს, რომ საპირფარეშოში ვერ გაგიშვებთ, პარკს მოგიტანთ და იქ არწყიეთო, იგივე საბას[სხვიტარიძეს] გაუკეთეს, ეს ნაცნობი პრაქტიკაა ამ ქაჯეთის ციხის. ამის შემდეგ ითხოვა, მარეგულირებელი დამალევინეთო, დღემდე არ მიუციათ, ახლაც მაღალი წნევა აქვს, ეს მისი ჯანმრთელობის მდგომარეობის გამო არის, სამედიცინო კაბინეტში არ გვაქვს და თვითონ შემოიტანეო, ჯერჯერობით, ეს ვერ მოხერხდა“, - განაცხადა „ტვ პირველთან“ ნიკა გვარამიამ.

ცნობისთვის, ელენე ხოშტარია პარლამენტთან მიმდინარე საპროტესტო აქციაზე, 28 მარტს ადმინისტრაციულ სამართალდარღვევათა კოდექსის 166-ე და 173 მუხლებით დააკავეს, რაც წვრილმან ხულიგნობასა და პოლიციელის კანონიერი მოთხოვნისადმი დაუმორჩილებლობას გულისხმობს.

წაკითხვა 530 ჯერ
ჩვენს შესახებ

მოკლე ინფო

ჩვენი მთავარი პრინციპებია: სიზუსტე, ოპერატიულბა და დაბალანსებული ინფორმაციის მიწოდება.

ჩვენს შესახებ

საინფორმაციო სააგენტო „პირველი ნიუსი“ 2018 წელს შეიქმნა. ჩვენი სააგენტოს ვებგვერდზე ქვეყნდება მიმდინარე პოლიტიკური, ეკონომიკური, სოციალური, მსოფლიო, კულტურული, სპორტული და სხვა აქტუალური სიახლეები.  სიტყვისა და გამოხატვის თავისუფლება ადამიანის ერთ–ერთი ძირითადი უფლებაა. სწორედ ამ უფლების გამოყენებით ჩვენმა გუნდმა აიღო ვალდებულება, რომ საზოგადოებას დროულად მივაწოდოთ ამომწურავი, ობიექტური ინფორმაცია ფაქტებისა და მოვლენების დამახინჯების გარეშე.