“კარგია, რომ გახარია საგამოძიებო კომისიაზე მოდის; მისი პარტია პარლამენტშია, მანდატებზე უარი არ უთქვამთ, თან არიან, თან არ არიან, ასე არ ხდება – ნახევრად ფეხმძიმობა არ არსებობს” – პაპუაშვილი
“კარგია, რომ გიორგი გახარია [საგამოძიებო კომისიის სხდომაზე] მოდის. იმედია, ამომწურავად უპასუხებს იმ კითხვებს, რომელიც აქვს კომისიას” – ამის შესახებ პარლამენტის თავმჯდომარე, შალვა პაპუაშვილი აცხადებს.
ის ეხმაურება გადაწყვეტილებას, რომ გახარია დროებით საგამოძიებო კომისიაზე გამოცხადდება.
“იცით, რომ კითხვები არის, მათ შორის 20 ივნისთან დაკავშირებით. მას შემდეგ რაც ადამიანის უფლებათა ევროპულმა სასამართლომ გამოიტანა გადაწყვეტილება 20 ივნისთან დაკავშირებით, დაადგინა, რომ იქ დემონსტრანტების მიმართ, ოპერაციის დროს, გარკვეული დარღვევები შესაძლოა არსებობდეს და საჭიროა ამ საკითხის ხელახალი გამოძიება. გიორგი გახარია იყო ის, ვინც ხელმძღვანელობდა მაშინ ამ ღონისძიებას. პარლამენტის საგამოძიებო კომისიას აინტერესებს ზუსტად ის, რა გადაწყვეტილებას იღებდნენ პოლიტიკურად პასუხისმგებელი პირები და ამ გადაწყვეტილებებმა რა შედეგები გამოიწვია. იმედი მაქვს, ამ საკითხთან დაკავშირებით ის არ გაექცევა კითხვებს, რომელსაც კომისია დაუსვამს და უპასუხებს.
რაც შეეხება იმას, პოლიტიკოსებიდან მხოლოდ ის რომ მოდის საგამოძიებო კომისიის სხდომაზე, მისი პარტია პარლამენტშია! თავს თუ იკატუნებს ვინმე რომ არ არის… პარლამენტში არის, მათ მანდატებზე უარი არ უთქვამთ. ასე რომ, პარლამენტის წევრები არიან ჩვეულებრივად. როგორ ატყუებენ თავის ამომრჩეველს თუ სხვებს, რომ თან არიან, თან არ არიან, ასეთი რამეები არ ხდება. ნახევრად ფეხმძიმობა არ არსებობს. ასე რომ, პარლამენტის წევრები არიან!“- განაცხადა პაპუაშვილმა.
სიახლეები
- “ტერორი საქართველოში - ახალი რეკორდები” - სალომე ზურაბიშვილი
- “მივმართავთ მთავრობას, გვაჩვენონ ხელშეკრულება, რომელიც არაბებთან გაფორმდა - მიგვაჩნია, რომ ერთი მხრივ, საქმე გაქვს ანტიეროვნულ გადაწყვეტილებასთან და მეორე მხრივ, არაბულ აფიორასთან” - ალეკო ელისაშვილი
- “მოულოდნელად დაკარგა გონება და განვითარდა გულის გაჩერება, დაფიქსირდა ფიბრილაცია” – სამედიცინო ბრიგადამ მამაკაცისთვის გულისცემის აღდგენა შეძლო
- რომში მსხვერპლი მოჰყვა შუა საუკუნეების კოშკის ნაწილის ჩამონგრევას
- “ნაცმოძრაობამ” სისხლიანი და ცრემლიანი საქართველო დაუტოვა “ქართულ ოცნებას”, უშველებელი პრობლემებით” – გია ვოლსკი
