"იმედგაცრუებული მაშინ ვარ ხოლმე, როდესაც ვიღაცისგან რაღაცას ველოდები და ქალბატონი სალომესგან დიდად არაფერს არ ველოდებოდი"- თაკო ჩარკვიანი
იმედგაცრუებული ვარ ხოლმე მაშინ, როდესაც ვიღაცისგან რაღაცას ველოდები და ქალბატონი სალომესგან არ ველოდებოდი დიდად არაფერს, – ამის შესახებ პარტია „კანონი და სამართალის“ ლიდერმა, თაკო ჩარკვიანმა საქართველოს პირველი არხის გადაცემაში „დღის თემა“ განაცხადა.
მისი თქმით, ზურაბიშვილი ბევრი არასწორი სტრატეგიით მოქმედებდა.
„უბრალოდ, არ ვუშლიდი ხელს ერთობას, არასოდეს. სიტყვა „ერთობა“ რომ სადღაც გაჟღერდება, მე მზად ვარ, აბსოლუტურად რიგითი ვიყო და ვფიქრობ, ამას ვამტკიცებ საქციელით. თუ ეს სჭირდება ქვეყანას, იმწამსვე შემიძლია, სრულიად რიგითი მებრძოლი ვიყო და არავითარი პრეტენზიები არ მაქვს, რომ სამომავლოდ მე ეს მინდა, გავაკეთო. მოუგებელ ბრძოლაში ზოგმა პრემიერად წარმოიდგინა თავი. არ ვჭორაობ, მათ განცხადებებს ვეყრდნობი. მაგალითად, ხაზარაძე გამოვიდა, მახსოვს, და თქვა, ამირჩიეთ პრემიერად და აგაყვავებთო. ხომ იყო ასეთი განცხადებები, ხომ?! მე ეს არ მესმის, ვერ ვიგებ. მე ვიგებ ბრძოლას, მესმის. ოპოზიციამ უნდა იბრძოლოს. სალომე ზურაბიშვილის მიმართ ჩემი დამოკიდებულება არ ნიშნავს უპატივცემულობას, სრულიად არ ნიშნავს. მას რაღაც თავისი მოსაზრებები აქვს და ნიშა აქვს, შეიძლება, არ ვიცი. არ მინდა, მხოლოდ ქალბატონ სალომეზე ვისაუბრო, მაგრამ, ობიექტურად, ბევრი არასწორი სტრატეგიით მოქმედებდა, ჩემი აზრით“, – განაცხადა ჩარკვიანმა.
სიახლეები
- ,,ლელოს” დააწყებინეს კამპანია, მერე გაწიეს ,,ლელო”, გადააბარეს ,,ალტ ინფოს” და ,,პატრიოტთა ალიანსს”, ჩართული ჰყავთ უცხოეთიდან დაფინანსებული ,,ენჯეოებიც”- ირაკლი კობახიძე
- „კაია კალასის ნათქვამი მიგვანიშნებს, რომ ამ ადამიანებს არასწორი წარმოდგენა აქვთ თავისუფლებაზე"- ნინო წილოსანი
- მართლმადიდებელი ეკლესია დღეს ბარბარობის დღესასწაულს აღნიშნავს
- სამართალდამცველებმა განსაკუთრებით დიდი ოდენობით ნარკოტიკული საშუალებების საქართველოში უკანონოდ შემოტანის ფაქტი აღკვეთეს
- საქართველოდან გააძევეს უცხო ქვეყნის 43 მოქალაქე
