“მნიშვნელოვანია, რომ რომის ახალ პაპთან პირადი შეხვედრა მოხერხდა – ძალიან უბრალო ადამიანის შთაბეჭდილება დატოვა, იმდენად უშუალო იყო ჩვენი დიალოგი, ბოლოს საუბარი ფეხბურთზე დავამთავრეთ” - მიხეილ ყაველაშვილი
პაპ ფრანცისკეს დაკრძალვის ცერემონიაზეც მომიწია დასწრება. მნიშვნელოვანი იყო ის, რომ ყველა კონფესიის უმაღლესი სასულიერო პირები ესწრებოდნენ ამ პროცესიას და ასევე ახალი პაპის ინტრონიზაციას, – ამის შესახებ საქართველოს პრეზიდენტმა, მიხეილ ყაველაშვილმა გადაცემა „იმედი LIVE“-ში ვატიკანში ვიზიტზე საუბრისას განაცხადა.
„ლეონ მე-14 -ის ინტრონიზაციას მსოფლიოს თითქმის ყველა ქვეყნის ხელისუფალი ესწრებოდა. სასიხარულოა, რომ საქართველოც იყო ამ პროცესში ჩართული და ცერემონიის შემდეგ საშუალება გვქონდა მიგველოცა ახალი პაპისთვის არჩევა ამ მნიშვნელოვან პოზიციაზე. ასევე მნიშვნელოვანია, რომ შემდეგ მოხერხდა პირადი შეხვედრა. დატოვა ძალიან უბრალო ადამიანის შთაბეჭდილება, საუბარი ბოლოს ფეხბურთზე დავამთავრეთ იმდენად უშუალო იყო ჩვენი დიალოგი.
"გზავნილი მქონდა ჩვენი უწმინდესისგან,მან მიულოცა და პირადად გადავეცი. გავუზიარე ურთიერთობები საქართველოს და წმინდა საყდარს შორის, ვესაუბრე 30 წლიანი პროცესზე და დავპატიჟე საქართველოში. მისი მხრიდანა მთავარი აქცენტი იყო მოყვასის სიყვარულზე და ადამიანის ღირსების დაფასებაზე“, – აღნიშნა მიხეილ ყაველაშვილმა.
სიახლეები
- დაკავებულია „ქურდულ სამყაროსთან” კავშირში მყოფი 45 პირი
- მეცნიერებმა კიბოს ყველაზე აგრესიული ტიპის კვლევაში მნიშვნელოვანი შედეგები მიიღეს
- აჭარაში პოლიციამ განსაკუთრებით დიდი ოდენობით – 55 შეკვრა ნარკოტიკი ამოიღო
- მიგრაციის დეპარტამენტის თანამშრომლებმა უცხო ქვეყნის 57 მოქალაქე საქართველოდან გააძევეს
- რუსეთის ჯარებმა კიევს ისევ დაარტყეს
