“ძალიან მალე იქნება საქართველო ერთიანი, ძლიერი და ყველასთვის მნიშვნელოვანი ქვეყანა” - მიხეილ ყაველაშვილი
,,ვიმედოვნებდი, რომ ის ადამიანები, რომლებსაც განსხვავებული აზრი აქვთ ეროვნულ ინტერესებთან დაკავშირებით, დააკვირდნენ, რომ არ ჰქონდეთ სახელმწიფოს წინააღმდეგ მიმართული ქმედებები”,- ამის შესახებ საქართველოს პრეზიდენტმა მიხეილ ყაველაშვილმა, თავისუფლების მოედანზე, 26 მაისის საზეიმო ღონისძიების დასრულების შემდეგ ჟურნალისტებთან განაცხადა.
მისივე თქმით, საქართველო ძალიან მალე ყველასთვის მნიშვნელოვანი ქვეყანა იქნება.
„ძალიან მალე იქნება საქართველო ერთიანი, ძლიერი და ყველასთვის მნიშვნელოვანი ქვეყანა. ჩემს სიტყვაში აღვნიშნე, რომ ხელისუფლების და ჩვენი მოქალაქეების უმრავლესობის შეგნება და გონიერი დამოკიდებულება არსებულ რეალობასთან არის ის, რომ ვგრძნობთ ჩვენს სუვერენიტეტს ეროვნულ ინტერესს და სწორედ აქედან გამომდინარე ვიღებთ გადაწყვეტილებებს. ვიმედოვნებდი, რომ ის ადამიანები, რომლებსაც განსხვავებული აზრი აქვთ, ეროვნულ ინტერესებთან დაკავშირებით, დააკვირდნენ, არ ჰქონდეთ სახელმწიფოს წინააღმდეგ მიმართული ქმედებები ყველაზე მეტად გული მტკივა ახალგაზრდებზე, მოზარდებზე. ხომ ვნახეთ კამპანიები, როდესაც სკოლის მოსწავლეებიც კი გამოიყენეს აქციებისთვის. მე როგორც ყველას პრეზიდენტი, ვისურვებდი, რომ მათი შეგნება საქართველოს ინტერესებიდან გამომდინარეობდეს“, – აღნიშნა პრეზიდენტმა.
სიახლეები
- ,,ლელოს” დააწყებინეს კამპანია, მერე გაწიეს ,,ლელო”, გადააბარეს ,,ალტ ინფოს” და ,,პატრიოტთა ალიანსს”, ჩართული ჰყავთ უცხოეთიდან დაფინანსებული ,,ენჯეოებიც”- ირაკლი კობახიძე
- „კაია კალასის ნათქვამი მიგვანიშნებს, რომ ამ ადამიანებს არასწორი წარმოდგენა აქვთ თავისუფლებაზე"- ნინო წილოსანი
- მართლმადიდებელი ეკლესია დღეს ბარბარობის დღესასწაულს აღნიშნავს
- სამართალდამცველებმა განსაკუთრებით დიდი ოდენობით ნარკოტიკული საშუალებების საქართველოში უკანონოდ შემოტანის ფაქტი აღკვეთეს
- საქართველოდან გააძევეს უცხო ქვეყნის 43 მოქალაქე
