"თუ არ გადაიხდი გირაოს, მოგიწევს პატიმრობა - ეს არის და ეს" - ირაკლი კობახიძე
სამართლის უზენაესობა უნდა იყოს დაცული, თუ არ გადაიხდი გირაოს, მოგიწევს პატიმრობა, თუ დაარღვევ კანონს სხვა კუთხით, მაგალითად, არ გამოცხადდები საგამოძიებო კომისიის სხდომაზე, აქაც მოგიწევს შესაბამისი პასუხის მიღება, - ამის შესახებ საქართველოს პრემიერ-მინისტრმა ირაკლი კობახიძემ ჟურნალისტებს ბუდაპეშტში განუცხადა.
პრემიერის თქმით, ეს არის სამართლებრივი საკითხი - ვინც არ სცემს პატივს კანონს, მიიღებს შესაბამის პასუხს.
„ჩემთვის ეს არის სუფთა სამართლებრივი საკითხი - არ სცემენ პატივს კანონს, მიიღებენ შესაბამის პასუხს ამასთან დაკავშირებით. ამის იქით, რა თქმა უნდა, ჩვენ ინტერესი არ გვაქვს. სამართლის უზენაესობა უნდა იყოს დაცული, თუ არ გადაიხდი გირაოს, მოგიწევს პატიმრობა, თუ დაარღვევ კანონს სხვა კუთხით, მაგალითად, არ გამოცხადდები საგამოძიებო კომისიის სხდომაზე, აქაც მოგიწევს შესაბამისი პასუხის მიღება, ეს არის და ეს. ეს არის მთლიანად სამართლებრივი საკითხი და სამართლებრივი საკითხებით საქართველოში დაკავებულები არიან სამართალდამცავი უწყებები", - განაცხადა პრემიერმა.
სიახლეები
- ნატო-რუსეთის ღია შეჯახების რისკი იზრდება და ეს უკრაინაში არ მოხდება - რომელი ქვეყანაა მთავარი სამიზნე?
- შსს-ში აცხადებენ, რომ ნიკა მელია ადმინისტრაციული წესით არის დაკავებული
- კახაბერ გულედანმა იმერეთის რეგიონში, სახელმწიფო რწმუნებულის ადმინისტრაციაში შეხვედრა გამართა
- "ადგილობრივ არჩევნებზე გასვლა არ არის უბრალოდ შეცდომა, იქ გასვლა არის უდიდესი შეურაცხყოფა თვეების განმავლობაში რუსთაველის გამზირზე შეკრებილი საზოგადოებისთვის"
- “ქართული ოცნება” უკვე ჩამოვიდა ფსონს ძალადობაზე, ახლა იძულებულია მოათვინიეროს საზოგადოების აქტიური ნაწილი ან ციხეში ჩასვას”
