“მელია როდესაც პატრულმა გარკვეული წესის დარღვევის გამო გააჩერა, შეურაცხყოფაზე გადასულა” - ირაკლი ზარქუა
“მელია როდესაც პატრულმა გარკვეული წესის დარღვევის გამო გააჩერა, შეურაცხყოფაზე გადასულა, სწორედ ამიტომ ის ადმინისტრაციული წესით დააკავეს და არა გირაოს გამო, “- ამის შესახებ დიასპორისა და კავკასიის საკითხთა კომიტეტის თავმჯდომარემ ირაკლი ზარქუამ, ნიკა მელიას დაკავებასთან დაკავშირებით განაცხადა.
მისივე თქმით, მელიას საკითხზე ყველაფერი სასამართლოში გამოჩნდება.
„მას ჰქონდა ვადა, რომ დღეს 12:00 საათამდე უნდა გადაეხადა გირაო. ამის გამო კი არ დაუკავებიათ, არამედ როდესაც პატრულმა გარკვეული წესის დარღვევის გამო გააჩერა, ის შეურაცხყოფაზე გადასულა და ადმინისტრაციული წესით დააკავეს. თუ არ ვცდები დღეს წარდგება სასამართლოს წინაშე და იქ გამოჩნდება თეთრი და შავი. ვინმეს დაკავება რომ ნდომებოდათ, დილას დააკავებდნენ ან შუადღეს, საღამოს რაზე დაიჭერდნენ?! როგორც იკვეთება და განცხადებაშიც წავიკითხეთ, დააშავა ადმინისტრაციულად. არ გამოვრიცხავ, რომ მელია, რომელიც ძალადობისკენ არის მიდრეკილი და არაერთხელ არის ამ თემაზე დაკავებული თავის დროზე, იმავეს ჩაიდენდა. აგერ არის სასამართლო და იმსჯელებენ“, – აღნიშნა ზარქუამ.
ცნობისთვის, შინაგან საქმეთა სამინისტროს ინფორმაციით, ნიკა მელია დაკავებულია საქართველოს ადმინისტრაციულ სამართალდარღვევათა კოდექსის 173-ე მუხლის საფუძველზე, რაც სამართალდამცავი ორგანოს თანამშრომლის სიტყვიერ შეურაცხყოფას გულისხმობს.
სიახლეები
- ქუთაისში, პარლამენტის ყოფილი შენობის მიმდებარედ თანამედროვე მრავალფუნქციური პარკი მოეწყობა
- “ასეთ რა ჰონორარებს იღებს მისი ოჯახი; ასეთი ჩარიცხვები ხშირად ემთხვევა რადიკალური ოპოზიციის მიერ დაანონსებულ ე.წ. მშვიდობიან დამხობებს” - კახიანი ელენე ხოშტარიაზე
- “შემიძლია, პაატა ბურჭულაძეს სანაძლეო დავუდო – 4 ოქტომბერს, 20:00 საათზე ხელისუფლება ბურჭულაძეს თუ არ გადაეცა, მაშინ მან „ღვინოვ კახურო“ იმღეროს” - გურამ მაჭარაშვილი
- “2012 წლის შემდეგ, ახალი საცხოვრებელი, დაახლოებით, 39 000-მა დევნილმა ოჯახმა მიიღო, ამ მიმართულებით გამოყოფილი ბიუჯეტი 25 მლნ ლარიდან 240 მლნ ლარამდეა გაზრდილი” - ირაკლი კობახიძე
- ქუთაისში ნარკოტესტზე გადაყვანილმა მოქალაქეებმა ექიმები და პოლიციელები სცემეს
