“ჩვენი საზოგადოების დიდ უმრავლესობას, როგორც ჩანს, სურს, იხილოს მისთვის სასურველი პოლიტიკური პარტიები, დემოკრატიული ძალები არჩევნებზე” - გრიგოლ გეგელია
არც კი მოველოდი ამხელა მარჟით უპირატესობას ამ პოზიციისა, ნამდვილად არ მოველოდი, მაგრამ ჩვენი საზოგადოების დიდ უმრავლესობას, როგორც ჩანს, სურს, იხილოს მისთვის სასურველი პოლიტიკური პარტიები, დემოკრატიული ძალები არჩევნებზე, – ამის შესახებ პარტია „ლელოს“ წევრმა, გრიგოლ გეგელიამ საქართველოს პირველი არხის გადაცემაში „აქტუალური თემა – მაკა ცინცაძესთან ერთად“ სტუმრობისას განაცხადა.
მისი თქმით, ვისაც მსჯელობასთან პრობლემა აქვს, პოლიტიკაში არ უნდა იყოს.
„ის ხალხი, რომელიც ამბობს, რომ მივა და დაუჭერს მხარს ოპოზიციას, ოპოზიციურ სპექტრს, დემოკრატიულ ძალებს, დიახ, არის სამ-ნახევარჯერ, ოთხჯერ უფრო მეტი, ვიდრე ხალხი, რომელიც ამბობს, რომ არ მივა. შესაბამისად, ამ კვლევით ვიხელმძღვანელებთ. როდესაც ეს კვლევა გაკეთდა და ვნახეთ, რასაკვირველია, გავაცანით საზოგადოებას, მოვიწვიეთ ჩვენი კოლეგები და გავაცანით მათ, ხომ არ ვიმსჯელოთ ამის საფუძველზე მათ შორის, რადგან ეს ინფორმაცია არსებობს. ამას ვერ წაშლი, აქ არის. ის ხალხი, რომელიც ჩვენ გვერდით ცხოვრობს, ასე ფიქრობს და, შესაბამისად, ჩვენ გვმართებს მსჯელობა. მსჯელობასთან ვისაც პრობლემა აქვს, მე მგონი, პოლიტიკაში არ უნდა იყოს, უკაცრავად. პოლიტიკა საუკუნეების განმავლობაში არის მსჯელობის, დელიბერაციის დარგი“, – განაცხადა გეგელიამ.
სიახლეები
- “რობინ დანიგანს შეეძლო, დადებითი როლი შეესრულებინა წინამორბედის მიერ გაფუჭებულ საქმეზე, თუმცა შესაძლებლობა ვერ გამოიყენა” - ირაკლი ზარქუა
- “ჩვენი გუნდი რევოლუციონერი არ არის ადგილობრივ არჩევნებში მონაწილეობა-არმონაწილეობის გადაწყვეტილება არის ცუდსა და უფრო ცუდს შორის მისაღები გადაწყვეტილება” - ანა ბუჩუკური
- ზურაბიშვილის თქმით, „ამ პირობებში“ თვითმმართველობის არჩევნები გამარჯვების მომტანი ვერ იქნება
- “მივიღე პირადი გადაწყვეტილება, გავიდე პენსიაზე – ჩემი გაწვევა ჩემს მთავრობას არ მოუთხოვია” - საქართველოში აშშ-ს ელჩი
- დონალდ ტრამპმა ექვსი თვის ვადით შეაჩერა ქვეყანაში უცხოელი სტუდენტების შესვლა, რომლებიც ჰარვარდის უნივერსიტეტში სწავლას ან გაცვლით პროგრამებში მონაწილეობას აპირებენ
