“ყველაფერი, რაც საქართველოს ინტერესებშია იწვევს იმ ხალხის გაღიზიანებას, რომელთა მიზანიც არის საკუთარი ქვეყნის დაზიანება” - მაკა ბოჭორიშვილი
“იმ ადამიანებისგან, რომლებიც საკუთარი სამშობლოს საბოტაჟით არიან დაკავებული, არ არის გასაკვირი ეს აჟიოტაჟი და მიანიშნებს ერთადერთ რამეს – ყველაფერი, რაც საქართველოს ინტერესებშია იწვევს იმ ხალხის გაღიზიანებას, რომელთა მიზანიც არის საკუთარი ქვეყნის ინტერესების დაზიანება” – ამის შესახებ საგარეო საქმეთა მინისტრმა, მაკა ბოჭორიშვილმა, მილანში საქართველოს გენერალური საკონსულოს გახსნასთან დაკავშირებით ოპოზიციის მიერ გაკეთებულ განცხადებებზე საუბრისას განაცხადა.
მინისტრის თქმით, დღეს ძალიან მნიშვნელოვანია საერთაშორისო დონეზე საქართველოს პოზიტიურად წარმოჩენა და ქვეყნის დიპლომატიური წარმომადგენლობის გახსნის მაღალ დონეზე აღნიშვნა არის დამკვიდრებული პრაქტიკა,რაც მინისტრის განცხადებით ქვეყნის ინტერესების განხორციელებას ემსახურება.
„მილანში იმყოფებოდნენ მაღალი დონის სტუმრები და რა თქმა უნდა, ჩვენთვის მნიშვნელოვანი იყო მაღალი დონის სტუმრების შესაბამისად მასპინძლობა, ასევე ჩრდილოეთ იტალიის უმნიშვნელოვანეს რეგიონებში საქართველოს წარმოჩენა მაღალ დონეზე“ – აღნიშნა მაკა ბოჭორიშვილმა.
სიახლეები
- სალომე ზურაბიშვილი დედების მარშის დღეს "გზის გადაკეტვისთვის" 5 000 ლარით დააჯარიმეს
- “ბრიტანეთის საელჩო ფიქრობდა, რომ ჩაქუჩს დაარტყამდა, მაგრამ ეს ჩაქუჩი, საბოლოო ჯამში, თითზე დაირტყა, ვინაიდან საკუთარი თავი ამხილა საქართველოში ექსტრემიზმის, სიძულვილის და პროპაგანდის დაფინანსებაში” - შალვა პაპუაშვილი
- “ოპოზიციას არ ჰყავს არცერთი რეიტინგული და ქარიზმატული ფიგურა, ამის გამოა, რომ ურეიტინგო პოლიტიკოსებს, ხან ერთ დავალებას აძლევენ გარედან, ხან მეორეს, ვერცერთი მათი ინიციატივა ვერ იქნება წარმატებული”- ირაკლი კობახიძე
- “ბრიუსელში ამ საკითხს არ ჰყავს ბევრი მხარდამჭერი, თუმცა კვლავ გრძელდება მუშაობა იმისთვის, რომ ეს თემა გამოიყენონ ქართველი ხალხის ინტერესების წინააღმდეგ” - მაკა ბოჭორიშვილი უვიზო მიმოსვლის საკითხზე
- ქუთაისის მუნიციპალიტეტის მერის მოადგილედ გიორგი ცხაკაია დაინიშნა
