“ძალიან ძნელია სერიოზულად შევაფასოთ ის კომიკური სპექტაკლი, რაც PACE-ში ვიხილეთ” - ეკა სეფაშვილი
„ერთადერთი, რაც საქართველოში ხდება, ესაა კანონის პატივისცემა და მოსახლეობის და პოლიტიკოსების შეჩვევა იმასთან, რომ პოლიტიკოსობა არ არის ინდულგენცია,” – განაცხადა „ხალხის ძალის” საერთაშორისო მდივანმა ეკა სეფაშვილმა, საქართველოს შესახებ ევროპის საბჭო საპარლამენტო ასამბლეაში გამართულ დებატებზე, სადაც განიხილებოდა საკითხი სახელწოდებით „საქართველოში პოლიტიკური დევნის წინაშე მყოფი პირების დაუყოვნებლივ გათავისუფლების მოწოდება”.
„ძალიან ძნელია სერიოზულად შევაფასოთ ის კომიკური სპექტაკლი, რაც PACE-ში ვიხილეთ, როცა პოლიტიკოსები სრულიად აბსურდულ თემებზე ვითომ სერიოზული სახეებით საუბრობენ.
ერთადერთი, რაც საქართველოში ხდება, ესაა კანონის პატივისცემა და მოსახლეობის და პოლიტიკოსების შეჩვევა იმასთან, რომ პოლიტიკოსობა არ არის ინდულგენცია და კანონს ყველამ პატივი უნდა სცეს,” – განაცხადა ეკა სეფაშვილმა.
მისი თქმით, საქართველოს მოსახლეობას იმისთვის სჯიან, რომ კანონს იცავს. „ფაქტობრივად განხილვების შინაარსში რომ შევიდეთ, გამოდის, რომ საქართველოს მოსახლეობას და ზოგადად ყველას ეუბნებიან, რომ საქართველოში კანონი დაცულია და მოდი, ამის გამო საქართველო დავსაჯოთ. ისინი სამართლებრივი საკითხების პოლიტიზებას ცდილობენ, რაც დაუშვებელია,” – დასძინა ეკა სეფაშვილმა.
სიახლეები
- ქუთაისში, პარლამენტის ყოფილი შენობის მიმდებარედ თანამედროვე მრავალფუნქციური პარკი მოეწყობა
- “ასეთ რა ჰონორარებს იღებს მისი ოჯახი; ასეთი ჩარიცხვები ხშირად ემთხვევა რადიკალური ოპოზიციის მიერ დაანონსებულ ე.წ. მშვიდობიან დამხობებს” - კახიანი ელენე ხოშტარიაზე
- “შემიძლია, პაატა ბურჭულაძეს სანაძლეო დავუდო – 4 ოქტომბერს, 20:00 საათზე ხელისუფლება ბურჭულაძეს თუ არ გადაეცა, მაშინ მან „ღვინოვ კახურო“ იმღეროს” - გურამ მაჭარაშვილი
- “2012 წლის შემდეგ, ახალი საცხოვრებელი, დაახლოებით, 39 000-მა დევნილმა ოჯახმა მიიღო, ამ მიმართულებით გამოყოფილი ბიუჯეტი 25 მლნ ლარიდან 240 მლნ ლარამდეა გაზრდილი” - ირაკლი კობახიძე
- ქუთაისში ნარკოტესტზე გადაყვანილმა მოქალაქეებმა ექიმები და პოლიციელები სცემეს
