“მადამ ფრანცუჟენკას გამოსვლა ოთხჯერ გადავახვიე და რა უნდოდა, ვერ გავიგე” - ზარქუა სალომე ზურაბიშვილზე
“მადამ ფრანცუჟენკას გამოსვლა ოთხჯერ გადავახვიე და რა უნდოდა, ვერ გავიგე. ერთი ვიცით, სადაც თხრის, იქ თხრის, მაგრამ რას თხრის, გაგვაგებინოს”, – ამის შესახებ პარლამენტის დიასპორის საკითხთა კომიტეტის თავმჯდომარემ, ირაკლი ზარქუამ სალომე ზურაბიშვილზე საუბრისას განაცხადა.
როგორც ზარქუამ თქვა, “გუშინ ვნახეთ გაკოტრებული რადიკალები, რომლებიც საპროტესტო აქციისთვის კვირის განმავლობაში ემზადებოდნენ და 2 000 ადამიანი ძლივს შეკრიბეს, სადაც ჟურნალისტები და პოლიციელებიც იყვნენ”
“ეს აჩვენებს, რომ გაკოტრებული არიან და მოქალაქეებს ვერაფერს სთავაზობენ. მოქალაქეებს ვეღარ ატყუებენ, ახალგაზრდებიც გაემიჯნენ. ვინც მათთან დგას, დაქირავებულები, აქტივისტები არიან. აგერ, გვირგვინი მადამ ფრანცუჟენკაა. რა უნდოდა? მისი გამოსვლა ოთხჯერ გადავახვიე და რა უნდოდა, ვერ გავიგე. იქ ვინც იყო, სტვენა იმიტომ დაიწყო, რომ ვერ გაიგეს, რა უნდოდა. ერთი ვიცით, სადაც თხრის, იქ თხრის, მაგრამ რას თხრის, გაგვაგებინოს. ჯერ ბოიკოტისკენ მოუწოდა, შემდეგ თქვა, ბოიკოტი შედეგს არ გვაძლევსო, ამ ხალხს აბნევს. ცხვირ-პირი მერამდენედ უნდა წაიმტვრიონ და მერამდენედ უნდა შერცხვეთ? ხელმოცარულებს აფინანსებენ და არ დაიღალნენ? ისე მაინც გააკეთონ, რომ პოლიტიკური სცენიდან ჩუმად გავიდნენ. დაფინანსებულები არიან და ბანცალ-ბანცალით უნდა გამოვიდნენ“, – განაცხადა ზარქუამ.
სიახლეები
- ქუთაისში, პარლამენტის ყოფილი შენობის მიმდებარედ თანამედროვე მრავალფუნქციური პარკი მოეწყობა
- “ასეთ რა ჰონორარებს იღებს მისი ოჯახი; ასეთი ჩარიცხვები ხშირად ემთხვევა რადიკალური ოპოზიციის მიერ დაანონსებულ ე.წ. მშვიდობიან დამხობებს” - კახიანი ელენე ხოშტარიაზე
- “შემიძლია, პაატა ბურჭულაძეს სანაძლეო დავუდო – 4 ოქტომბერს, 20:00 საათზე ხელისუფლება ბურჭულაძეს თუ არ გადაეცა, მაშინ მან „ღვინოვ კახურო“ იმღეროს” - გურამ მაჭარაშვილი
- “2012 წლის შემდეგ, ახალი საცხოვრებელი, დაახლოებით, 39 000-მა დევნილმა ოჯახმა მიიღო, ამ მიმართულებით გამოყოფილი ბიუჯეტი 25 მლნ ლარიდან 240 მლნ ლარამდეა გაზრდილი” - ირაკლი კობახიძე
- ქუთაისში ნარკოტესტზე გადაყვანილმა მოქალაქეებმა ექიმები და პოლიციელები სცემეს
