“ხოშტარია და კლდიაშვილი თანამშრომლობენ რუსულ მხარესთან, ბიზნესებთან და ეს არის შემაშფოთებელი ორმაგი სტანდარტი – ერთ მხარეს თავი გამოჰყავთ მთავარ ანტირუსებად, მეორე მხარეს ფულს შოულობენ რუსული მხარის ხარჯზე” - ირაკლი კობახიძე
ხოშტარია და კლდიაშვილი თანამშრომლობენ რუსულ მხარესთან, ბიზნესებთან და ა.შ. აქ არის შემაშფოთებელი ორმაგი სტანდარტი – ერთ მხარეს გამოჰყავთ თავი მთავარ ანტი რუსად, მეორე მხარეს ფულს შოულობ რუსული მხარის ხარჯზე, – ამის შესახებ საქართველოს პრემიერ-მინისტრმა ირაკლი კობახიძემ, ბახმაროში ჟურნალისტებს, IDFI-ს ხელმძღვანელის, გიორგი კლდიაშვილის შესახებ დასმული კითხვის საპასუხოდ განუცხადა.
მთავრობის მეთაურის თქმით, ეს ადამიანები 2022 წელს ითხოვდნენ საქართველოს მიერ რუსეთისთვის სანქციების დაწესებას, რაც გამოიწვევდა მინიმუმ 10%-იან ეკონომიკურ ვარდნას. პრემიერის განცხადებით, მათ სურდათ, რომ ჩამოქცეულიყო ქვეყნის ეკონომიკა.
„აქ მთავარი საკითხი არის ორმაგი სტანდარტი. გახსოვთ, რომ ეს ადამიანები კოლექტიურად ითხოვდნენ საქართველოს მიერ რუსეთისთვის სანქციების დაწესებას. მათ უნდოდათ, რომ ჩამოქცეულიყო ჩვენი ეკონომიკა. მინიმუმ 10%-იან ვარდნას გამოიწვევდა 2022 წელს ჩვენს მიერ რუსეთისთვის სანქციების დაწესება. ეს ადამიანები ითხოვდნენ რუსეთისთვის სანქციების დაწესებას, თუმცა ამავდროულად, ისეთი ადამიანები, როგორებიც არიან ხოშტარია, კლდიაშვილი, ჩვეულებრივად თანამშრომლობენ რუსულ მხარესთან, ბიზნესებთან და ა.შ. აქ არის შემაშფოთებელი ორმაგი სტანდარტი – ერთ მხარეს გამოჰყავთ თავი მთავარ ანტი რუსად, მეორე მხარეს – ფულს შოულობენ რუსეთის მოქალაქეების ხარჯზე, ან ზოგადად, რუსული მხარის ხარჯზე. ეს ადასტურებს იმას, რომ არაფერი ღირებულებები ამ ადამიანებს არ აქვთ. ისინი არიან უცხოელი აგენტები და მოქმედებენ მხოლოდ და მხოლოდ ანგარების მოტივით. მათ შორის, ეს ეხება საქართველოს ხელისუფლებასთან თანამშრომლობას. გრანტს, დაფინანსებას იღებენ საქართველოს ხელისუფლებისგან, თან არ უნდათ აღიარონ საქართველოს ხელისუფლება. ესეც ბუნებრივია, არის ორმაგი სტანდარტი, რაც აჩვენებს ამ ადამიანების, უცხოელი აგენტების სრულიად მძიმე სახეს”, – განაცხადა პრემიერმა.
სიახლეები
- “ყველა ადამიანის მოწოდებაა, ფერი იცვალოს; ჩვენი ქრისტიანული ცხოვრების აზრიც ხომ სწორედ ეს არის, რომ, ღვთისმშობლის მეოხებით, ჩვენშიც გამობრწყინდეს მარადიული საღვთო ნათელი” – მეუფე შიო
- ქუთაისის აეროპორტში მებაჟე ოფიცრებმა დიდი ოდენობით არადეკლარირებული ოქროსა და ვერცხლის ნაკეთობების შემოტანის ფაქტები აღკვეთეს
- “არ შეიძლება, ევროკავშირი ასოცირდებოდეს ისეთ მოვლენებთან, როგორიც სიძულვილია, მათ ღიად მოითხოვეს ხელისუფლებაში „ნაცმოძრაობის” დაბრუნება, როდესაც მოუწოდეს ხალხს, გამოსულიყვნენ საარჩევნო უბნებზე და ხმა მიეცათ „ნაცმოძრაობის” დაბრუნებისთვის” - პრემიერი
- “იმედი გვაქვს, რომ ვიდრე ჩვენ 2030 წელს ვიქნებით მზად ევროკავშირში გაწევრიანებისთვის, მანამდე ევროკავშირში ტენდენციები შეიცვლება და დემოკრატიული სისტემა გაჯანსაღდება” - ირაკლი კობახიძე
- “ძალები, რომლებიც საქართველოში პოლარიზაციის გაღვივებას აფინანსებდნენ, თავისუფლად ვეღარ მოქმედებენ და ალტერნატიული ფორმები მოიფიქრეს - ლიეტუვაში მიჰყავთ რადიკალი აქტივისტები, მათთვის შესაბამისი ტრენინგები ტარდება” - ირაკლი კობახიძე
