“მნიშვნელოვანია, დიდმა ბრიტანეთმა დააჩქაროს სანქციები ივანიშვილისა და მისი ელიტის წინააღმდეგ, რათა საქართველოს მოქალაქეებს დემოკრატიული და ევროატლანტიკური განვითარების გზა დაუბრუნდეთ” - თინა ბოკუჩავა
მნიშვნელოვანია, რომ დიდმა ბრიტანეთმა გააგრძელოს და დააჩქაროს სანქციები ივანიშვილისა და მისი ელიტის წინააღმდეგ, რათა საქართველოს მოქალაქეებს დემოკრატიული და ევროატლანტიკური განვითარების გზა დაუბრუნდეთ, - ამის შესახებ „ნაციონალური მოძრაობის“ თავმჯდომარემ, თინა ბოკუჩავამ დიდ ბრიტანეთში, საგარეო საქმეთა სამინისტროში გამართული შეხვედრების შემდგომ განაცხადა.
ბოკუჩავას განცხადებით, დიდი ბრიტანეთის სანქციები განსაკუთრებით მნიშვნელოვანია, რადგან „ივანიშვილის დიდი ოდენობის აქტივები ბრიტანეთში და ოფშორულ ტერიტორიებში აქვს“.
„რამდენიმე წუთის წინ დავასრულე შეხვედრა დიდი ბრიტანეთის საგარეო საქმეთა სამინისტროში, სადაც სანქცირების პოლიტიკის გაგრძელების აუცილებლობაზე ვისაუბრეთ. ამასთან, იმაზე, რომ ის შეეხოს თავად ივანიშვილსა და მის ფინანსურ გარემოცვას, მის ელიტას, პროპაგანდისტებს. დიდი ბრიტანეთის სანქციები განსაკუთრებით მნიშვნელოვანია, რადგან ივანიშვილის დიდი ოდენობის აქტივები ბრიტანეთში და ოფშორულ ტერიტორიებში აქვს.
ამიტომ, სასანქციო პოლიტიკის გაგრძელება და დაჩქარება არის უმნიშვნელოვანესი პრიორიტეტი. აგრეთვე, ვისაუბრეთ ე.წ. ვაიმარ პლუსის თანამშრომლობის ფორმატზე, სადაც დიდი ბრიტანეთი, გერმანია, პოლონეთი და საფრანგეთი ძალისხმევას გააძლიერებენ. ამასთან, თანამშრომლობასა და კოორდინაციას, რათა ავტოკრატიულ რეჟიმზე ეფექტიანად განახორციელონ წნეხი. ასევე, საქართველოს, საქართველოს მოქალაქეებს მისცენ შესაძლებლობა დაუბრუნდნენ დემოკრატიული ევროატლანტიკური განვითარების გზას“,- განაცხადა თინა ბოკუჩავამ.
სიახლეები
- “მოვუწოდებთ ქართულ პოლიციას, ემსახურეთ ქართველ ხალხს და არა „ქართულ ოცნებას“, „ქართულ ოცნებას“ კი მივმართავთ, გაათავისუფლოს რეჟიმის ტყვეები და გამოთქვას მზაობა რიგგარეშე საპარლამენტო არჩევნების დანიშვნაზე” - ლევან ცუცქირიძე
- “ფსიქოტროპული მედიკამენტების საბითუმო რეალიზაციას მხოლოდ სახელმწიფო განახორციელებს” - ჯანდაცვის სამინისტრო
- “არ ვარ დამნაშავე, მთელი ცხოვრება ქვეყანას ვემსახურე - შურისძიებაა ჩემი მშობლების წინააღმდეგ გამოძიებაც, მამაჩემი ქირურგია და ადამიანებს ეხმარებოდა, დედაჩემი კი ცნობილი ოჯახის ექიმია, ეს არის უნამუსობა, ჩირქის მოცხება” - გიორგი ბაჩიაშვილი
- “ვიდრე დსთ-ს წევრად რჩება მოლდოვა, მანამდე გაგვიჭირდება მილოცვა, დაველოდებით, როდის გამოვა დსთ-დან, ამის მერე ვნახოთ გადავხედავთ მილოცვის საკითხს” - ირაკლი კობახიძე მოლდოვის საპარლამენტო არჩევნებზე
- პოლიციამ თბილისსა და რეგიონებში ცეცხლსასროლი იარაღები და საბრძოლო მასალა ამოიღო, დაკავებულია 9 პირი
