“პეტერ ფიშერის ჩარევა შიდა პროცესებში ყველანაირი დიპლომატიური სტანდარტის დარღვევა იყო” – წილოსანი
“პეტერ ფიშერის ჩარევა შიდა პროცესებში ყველანაირი დიპლომატიური სტანდარტის დარღვევა იყო”, – ამის შესახებ პარლამენტის ვიცე-სპიკერმა, ნინო წილოსანმა განაცხადა.
მისი განმარტებით, კითხვებს, რომლებსაც დიდი ხანია, მმართველი გუნდი სვამს, უკვე ევროკავშირის წევრ სახელმწიფოებშიც სვამენ.
“გერმანიის ყველაზე მსხვილმა ოპოზიციურმა პარტიამ საკუთარ ხელისუფლებას კითხვით მიმართა საქართველოში წამოსული დაფინანსების მიზნობრიობის თაობაზე. როცა მიუკერძოებელი ადამიანი დაინტერესდება, კარგად ნახავს, რომ საკმაოდ საეჭვო ვითარებასა და პროექტებში იდებოდა კეთილშობილური თანხები. ის რადიკალიზმი, რომელსაც ქუჩაში ვხედავთ, დიდწილად უცხოური დაფინანსებით იყო გამოკვებილი. ის, რომ გერმანიის ელჩის საქმიანობის ფონზე კითხვები გერმანიაში გაუჩნდათ, ალბათ, ლოგიკურია, საქართველოში გერმანიიდან წამოსული დაფინანსება მოიკითხონ. კითხვებზე, რომლებზეც ჩვენ პასუხები ვერ გავიგეთ, იქნებ, საკუთარ ქვეყანაში მაინც უპასუხონ.
პეტერ ფიშერის ჩარევა შიდა პროცესებში ყველანაირი დიპლომატიური სტანდარტის დარღვევა იყო. რა თქმა უნდა, ვინც საქართველოშია, ამ ქვეყნის პატივისცემას უნდა გამოხატავდეს. ეს დიპლომატი გარკვეულ საკითხებს მიკერძოებულად სახავდა, მათ შორის ჩართული იყო რადიკალურ აქტივობებში. პირდაპირი და მიკერძოებული კავშირი იყო რადიკალ პოლიტიკოსთან, ვგულისხმობ იმას, რომ პეტერ ფიშერი ხაზარაძის მდგმური იყო. ეს კითხვებს ტოვებს, რატომ რჩებოდა ხაზარაძის მდგმურად“.
სიახლეები
- ,,სუს-ი რომ გვყავს და კარგად მუშაობს, იმიტომაც არის, წელიწადში ერთხელ რევოლუციებს რომ გეგმავენ და ვერ ახორციელებენ"- შალვა პაპუაშვილი
- ,,არავითარ შემთხვევაში ეს არ შეეხება არც ემიგრანტების მიერ გადმორიცხულ თანხებს და არც ისეთ საქმიანობას, რომელიც კომერციულ მიზნებს ატარებს"- ნინო წილოსანი
- ზღვაზე შტორმული ღელვა – როგორი ამინდია მოსალოდნელი საქართველოში
- სარფში მებაჟე ოფიცრებმა განსაკუთრებით დიდი ოდენობით ნარკოტიკული საშუალება და ფსიქოტროპული ნივთიერების შემცველი მედიკამენტები აღმოაჩინეს
- ,,ნიპა-ვირუსის სიმპტომები ძალიან ჰგავს გრიპს, ახასიათებს ცხელება, ყელის, თავისა და კუნთების ტკივილი” – მაია ბუწაშვილი
