წილოსანის თქმით, არ აქვს დიდი მოლოდინი იმის, რომ გახარიას პარტია შეძლებს რეალური ოპონირების გაწევას.

„ეს მათი პოლიტიკური ვალდებულება იყო, რომ პატივი ეცათ საკუთარი ამომრჩევლისთვის და დროულად შემოსულიყვნენ პარლამენტში. მით უფრო, რომ გახარია სრულიად უცნობი შემადგენლობით შემოდის და არა იმ ადამიანებით, ვისაც მათმა ამომრჩეველმა დაუჭირა მხარი. დაველოდოთ, როგორი იქნება მათი შემოსვლა და მათი საქმიანობა პარლამენტში. მეც საკმაოდ კრიტიკული ვიყავი მათთან მიმართებით, რადგან ყველაფერი ის, რაც მათ უმოქმედიათ ამ პერიოდის განმავლობაში, ყველა ის მავნებლობა – „ნაცებთან“ გაერთიანება იდეოლოგიური, ფიზიკური, როგორც აქციების, ასევე, საკრებულოებში კოალიციების შექმნის თუ სხვადასხვა ფორმატებით, რა თქმა უნდა, არ მაძლევს იმის თქმის საშუალებას, რომ ოპტიმისტურად ვარ განწყობილი მათთან დაკავშირებით. რასაც შეიძლება, რომ ოპტიმიზმი მოჰქონდეს, ეს არის, რომ მათ შეასრულონ რეალური ოპოზიციის მოვალეობა. არ იყვნენ ისეთივე აბსურდში გადასული თავის ბრალდებებში თუ სხვადასხვა გამონათქვამებში, როგორიც აქამდე იყო. თუ მათ სურვილი აქვთ, რომ რაღაც ფორმით დაიმკვიდრონ თავი ქართულ პარლამენტში, ერთადერთი, რაც მათ მოეთხოვებათ არის ის, რომ რეალურად იყვნენ ოპოზიცია და არა ვიღაცის დაქირავებული აგენტები“.