"ევროკომისია დეკემბერში ვიზის შეჩერების მექანიზმის შესახებ ყოველწლიურ ანგარიშს გამოაქვეყნებს, მათ შორის საქართველოსთვის" - პაველ ჰერჩინსკი
ევროკომისია დეკემბერში ვიზის შეჩერების მექანიზმის შესახებ ყოველწლიურ ანგარიშს გამოაქვეყნებს, მათ შორის საქართველოსთვის, - ამის შესახებ ევროკავშირის ელჩმა საქართველოში პაველ ჰერჩინსკიმ ვიზალიბერალიზაციის შესაძლო შეჩერებასთან დაკავშირებით დასმულ შეკითხვაზე უპასუხა.
„როგორც ჩემმა ხელმძღვანელებმა არაერთხელ განაცხადეს, ამ საკითხის განხილვა უვიზო მიმოსვლის შეჩერების განახლებული მექანიზმის საფუძველზე მოხდება. ველით, რომ მექანიზმის შესახებ შეთანხმება თვის ბოლომდე მოხდება. ევროკომისია დეკემბერში ვიზის შეჩერების მექანიზმის შესახებ ყოველწლიურ ანგარიშს გამოაქვეყნებს, მათ შორის საქართველოსთვის. ამის შემდეგ ევროკავშირის წევრი სახელმწიფოები მიიღებენ გადაწყვეტილებას, თუ რისი გაკეთება შეიძლება საქართველოში ფუნდამენტურ უფლებებთან დაკავშირებით არსებული სერიოზული უკუსვლის ფონზე“, - განაცხადა ჰერჩინსკიმ.
მისი თქმით, ევროკავშირის წევრი სახელმწიფოების შესაძლო გადაწყვეტილებასთან დაკავშირებით სპეკულაცია არ სურს.
სიახლეები
- "ევროკავშირის ანგარიშში თეთრი ძაფითაა ნაკერი საქართველოს მონაკვეთი, უკუსვლა თუ ვინმეს აქვს, ეს ევროკავშირის მმართველი ინსტიტუციებია"
- "საქართველოში არჩევნების ზოგადი ჩარჩო ყოვლისმომცველ რეფორმებს საჭიროებს" - ევროკავშირის 2025 წლის გაფართოების ანგარიში
- "საქართველოში ძლიერი ეკონომიკური ზრდა დაფიქსირდა, რასაც ხელი შეუწყო კერძო და სახელმწიფო მოხმარებამ, ტურიზმის აღდგენით გამოწვეულმა სარგებელმა, რუსეთიდან მიგრანტებმა და ზოგიერთი სერვისისა და სავაჭრო მარშრუტის გადატანამ"
- "შანტაჟი არ გამოვა, ხელის ჩაქნევას არ ვაპირებთ, საქართველო გააგრძელებს მომზადებას იმ ევროპის კავშირისთვის, რომლის მიზანიცაა ევროპული ღირებულებების დაბრუნება"
- ევროკავშირის გაფართოების შესახებ ანგარიშის მიხედვით, უკრაინამ და მოლდოვამ პროგრესს მიაღწიეს
